बाँके पुस ६ गते ।
सशस्त्र प्रहरीको कुटाईबाट घाइते भएका नेपालगन्ज उपमहानगरपालिका १७ परसपुरका नन्कु साहुलाई सशस्त्र प्रहरीले मानसिक टर्चर दिन थालेका छन् ।
सशस्त्र प्रहरी बल ३० नं. गण हेडक्र्वाटर वागेश्वरीबाट चौलिका चोकमा खटिएको सशस्त्र प्रहरीले बुटले अण्डकोष र छातीमा हानेपछि बेहोस भएका उनी सशस्त्र प्रहरीले सोधपुछको नाममा मानसिक यातना दिएको बताए ।
सोधपुछ गर्न आएको बहानामा विभिन्न थरिका कुरा गर्ने र असभ्य भाषा प्रयोग गरेको उनले बताए । गत
आइतवारसामान्य विवादमा सशस्त्र प्रहरीले बुटले अण्डकोष र छातीमा हिर्काउँदा उनी बेहोस भएका थिए । ‘मम्फली खान आएको बहानामा विभिन्न थरिका कुरा सोध्छन् र धम्कीपूर्ण ब्यवहार गर्छन्,’ उनले भने, ‘सशस्त्र प्रहरीको ब्यवहारले मानसिक तनाव भएको छ ।’
उक्त घटनाको विषयमा सशस्त्र प्रहरी बलले एसएसपीको संयोजकत्वमा तीन सदस्यीय छानविन समिति गठन गरेपछि घटनालाई तोडमरोड गर्न र छानविनलाई कमजोर बनाउन सशस्त्र प्रहरी बल ३० नं. गण हेडक्र्वाटर वागेश्वरीका गणपति एसपी विमल डाँगीको निर्देशनमा सशस्त्र प्रहरीहरु साहु कहाँ गएर धम्कीपूर्ण शब्द प्रयोग गरि डरत्रास देखाउन थालेको पीडितले बताए ।
उनले आफू आफ्नो अडानबाट पछि नहट्ने बताउँदै सशस्त्र प्रहरीले गरेको ज्यादती विरुद्ध खुलेर लाग्ने प्रतिवद्धता समेत जनाएका छन् ।
यो पनि पढ्नुहोस्
बन्दुकको बलमा सशस्त्र प्रहरीको दादागिरी: चौलिकामा सर्वसाधारणलाई कुट्दै
Discussion about this post