बाँके चैत ९ गते ।
जिल्ला सहकारी संघ बाँकेले ६८ औं राष्ट्रिय सहकारी दिवस विभिन्न कार्यक्रमको आयोजना गरी मनाउने भएको छ । दिवसको तयारीबारे जानकारी दिन नेपालगन्जमा आयोजित पत्रकारहरुसँगको भेटघाटमा संघका अध्यक्ष प्रेम प्रसाद सुवेदीले आगामी २० गते भव्य कार्यक्रमको आयोजना गरी दिवस मनाउन लागिएको बताए ।
उनका अनुसा दिवसलाई भव्यता दिन अन्तरक्रिया, रक्तदान, पालिका स्तरीय ¥याली, उत्कृष्ट सहकारी र सहकारीकर्मीलाई सम्मानित गर्ने लगायतका कार्यक्रमको आयोजना गरिएको बताए । ‘दिवसको अवसरमा साता व्यापी कार्यक्रम नै आयोजना गरिएको छ उनले भने–‘सहकारीप्रति मानिसहरुको नकारात्मक भावना चिर्न पनि दिवसलाई भव्यता दिन लागिएका हो ।’ शनिवार नेपालगन्जमा जिल्ला स्तरीय जागरण भेलाको आयोजना गरिएको बताए ।
त्यसैगरी बैजनाथ, कोहलपुर, नेपालगन्ज र राप्तीसोनारीमा वृह्द रक्तदान कार्यक्रमको आयोजना गरिएको पनि उनले बताए । ११ गते बैजनाथमा, १२ गते कोहलपुरमा, १३ गते नेपालगन्जमा र १४ गते राप्तीसोनारीमा रक्तदान कार्यक्रमको आयोजना गरिएको उनले बताए । यसैगरी १७ र १८ गते कार्यशाला गोष्ठीको आयोजना गरिएको पनि उनले पत्रकार सम्मेलनमा सुनाए । दिवसको मुख्य दिन २० गते भने पालिका स्तरीय ¥यालीसहितका कार्यक्रम राखिएको सुवेदीको भनाइ छ ।
‘मर्यादित सहकारीः सम्मुनत समाज’ भन्ने मुख्य उद्देश्यका साथ ६८ औं सहकारी दिवस मनाउन लागिएको हो । बाँकेमा ४०८ वटा सहकारी छन् । तीमध्ये २० प्रतिशत सहकारी निष्कृय अवस्थामा रहेको पनि उनले बताए । दुई वटा सहकारीमा भने समस्या देखिएको उनको भनाइ छ ।
Discussion about this post