बाँके कार्तिक ३० गते । अग्रगामी महिला बचत तथा ऋण सहकारी संस्था लिमिटेड नेपालगन्ज बाँके राँझाको सातौ बार्षिक साधारणसभा शनिवार सम्पन्न भएको छ ।
दिगो विकास लक्ष्य प्राप्तीका लागि सहकारी भन्ने मुल नाराका साथ सुरु भएको सातौ बार्षिक साधारणसभा कार्यक्रमको अध्यक्षता सहकारी संघका अध्यक्ष उषा कुमारी थापाक्षेत्रीले गर्नुभएको छ ।
सहकारीको सात सिद्धान्त अनुसार प्रमुख अतिथि जिल्ला सहकारी संघ बाँकेका अध्यक्ष प्रेम सुवेदीले सातवटा मैनबत्ति बालेर कार्यक्रमको उद्घाटन गर्नुभएको छ ।
२०६९ साल चैत्र ५ गते स्थापना भएको सहकारी संस्था ६९ जनाको शेयर सदस्यबाट संकलित रकम ३४ हजार ५ सयबाट कारोबार सुभारम्भ गरेको हो । हालसम्म संस्था सातौं बर्षसम्म पुग्दा ७ सय २३ जना शेयर सदस्य पुगेको अध्यक्ष थापाक्षेत्रीले बताउनुभयो । हाल संस्थाको कुल शेयर पुजी ५० लाख ६५ हजार ५ सय र बचत २ करोड १७ लाख ८ हजार ५ सय ५४ पुगेको संस्थाका सचिवले प्रस्तुत गरेको प्रतिवेदनमा उल्लेख गरिएको छ । संस्थाले ६ करोड ५७ लाख ९८ हजार ४ सय बार्षिक कारोवार गर्दै आएको छ ।
संस्थालाई विभिन्न समयमा संस्थाको लागि योगदान पुर्याएका करिव ३६ जना व्यक्तिलाई सम्मान पत्र सहित सम्मानित गरेको छ । जसमा उद्यमी तर्फ गंगा बुढाक्षेत्री र गंगा गूरुङ, अशक्त नागरिकतर्फ सिता थापामगर, उत्कृष्ट समुह केन्द्र ७ हिमाली समुह, उत्कृष्ट कर्मचारीतर्फ सर्मिला थापामगर र तपस्या मगर लगायतका ३६ जनालाई सम्मान गरिएको थिए ।
Discussion about this post