बाँके कार्तिक ३० गते । स्थानिय सरकारको जवाफदेही तथा पारदर्शि सेवा प्रवाह विषयक छलफल कार्यक्रम आज नेपालगन्जमा सम्पन्न भएको छ ।
सुन्दर शान्त नेपाल परियोजना अन्तर्गत भएको स्थानिय सरकारको जवाफदेही तथा पारदर्शि सेवा प्रवाह विषयक छलफल कार्यक्रमको आयोजना नागरिक सम्बाद समुह नेपालगन्जले गरेको थियो भने सहकार्य युनिक नेपालले गरेको छ।
नागरिक सम्बाद समुह नेपालगन्जका संयोजक साहिल अन्सारीको अध्यक्षतामा भएको कार्यक्रममा नेपालगन्ज उपमहानगरपालिका वडा नं. २ का वडा अध्यक्ष सुनिल सिंह हमाल, वडा नं. १२ का वडा अध्यक्ष बुद्धिसागर सुवेदी, नागरिक समाज, बुद्धिजिवी पत्रकार लगायतका विभिन्न वडाका विपन्न समुदायका व्यक्तिहरुको सहभागिता रहेको थियो । उद्घाटन सत्रमा बोल्दै वडा नं. २ का वडा अध्यक्ष हमालले यस्तो खालको कार्यक्रम हरेक वडाको टोल टोलमा गर्न अति आवश्यक रहेको जानकारी गराएका थिए । हरेक नागरिकलाई सचेत गराउन स्थानिय सरकार तत्परताका साथ लागि परेको समेत उहाँले जानकारी दिए । विपन्न समुदायका नागरिकलाई स्थानिय तहमा रहेको कामकाज सेवा सुविधाको प्रवाहबारे जानकारी गराउन आवश्यक रहेको नागरिक सम्बाद समुह नेपालगन्जका अध्यक्ष साहिल अन्सारीले बताए । संविधानले दिएको अधिकारलाई स्थानिय तहबाट लागु गर्न विपन्न वर्गका समुहलाई लक्षित गरि कार्यक्रम ल्याउन जरुरी रहेको अध्यक्ष अन्सारीले धारणा प्रस्तुत गरेका थिए ।
Discussion about this post