बाँके बैशाख ३१ गते ।
हज यात्राका लागि मक्का मदिना जाने हज यात्रीलाई नेपालगञ्ज उपमहानगरपालिका वडा नम्बर ४ की महिला वडा सदस्य रुमिता श्रेष्ठले बिदाई गरेकी छन् ।
इस्लाम धर्मवलम्बिको पबित्र स्थल मक्का मदिना जाने नेपालगञ्जका हज यात्रीलाई एक कार्यक्रमका बीच सम्मान तथा बिदाई गरिएको हो ।
सम्मान तथा शुभ यात्रा कार्यक्रममा वडा सदस्य श्रेष्ठले हज यात्रा सफलताको शुभकामना दिँदै हजले धर्म तथा संस्कृतिमा टेवा पुग्ने बताइन ।
उनले मक्का मदिनामा हज गर्नाले मनमा शान्ति मिल्ने वताउँदै यसले धार्मिक सहिष्णुतामा समेत टेवा पुग्ने बताइन् ।
नेकपा माओवादी केन्द्र ४ नम्बर वडा कमिटिको आयोजनामा भएको सम्मान तथा शुभ यात्रा कार्यक्रममा माओवादी केन्द्रका नगर सचीव धर्मराज लगायतले हज यात्रीलाई बिदाई गर्दै यात्रा सफलताको शुभकामना दिएका थिए ।
बिश्वभरका इस्लाम धर्मावलम्बी इस्लामिक पात्रो अनुसार १४४६ हिजरीमा हजका लागि मक्का मदिना जाने गर्दछन् । मक्का मदिनामा हज गरे पुण्य प्राप्ति हुने धार्मिक बिश्वास रहेको छ ।
हज गर्न जाने नेपालीका लागि राज्यले समेत विशेष व्यवस्था मिलाएको छ । यो वर्षको हज यात्राका लागि जिल्ला प्रशासन कार्यालय बाँकेबाट हज यात्राका लागि ७६ जना महिला र ७९ पुरुष सहित १५५ जना सहभागी भएको जनाईएको छ ।
Discussion about this post