बर्दिया जेठ १ गते ।
बर्दियामा पहिलो पटक ठूलो लगानीमा निर्माणाधीन राजापुर चिनी कारखानाले मंसिरबाट चिनी उत्पादन सुरु गर्ने भएको छ । जिल्लाको राजापुर नगरपालिका–५ बदालपुरमा करिब २ अर्ब ५० करोडको लगानीमा चिनी कारखाना निर्माणको काम ९० प्रतिशत सम्पन्न भएको जनाएको छ । राजापुर सुगर एण्ड केमीकल्स इण्डिष्ट्रिज प्रालिले वार्षिक ३ लाख ३० हजार टन चिनी उत्पादन गर्ने लक्ष्य रहेको छ ।
चिनी उत्पादनले लुम्बिनी, कर्णाली लगायतका प्रदेशसम्म निकासा हुने छ । सुगर एण्ड केमीकल्स इण्डष्ट्रिज प्रालिका महाप्रबन्धक श्रीकृष्ण महतोले चिनी उद्योगमा हाल ५ सय ५० जनाले रोजगारी पाएको बताए । मंसिरबाट उत्पादन सुरु हुनासाथ थप जनशक्ति राख्ने उनले जनाए । २१ बिघा बढी क्षेत्रफलमा स्थापना भएको चिनी उद्योगमा मदिराजन्य पदार्थ पनि उत्पादन गर्ने भएको छ ।
धान उत्पादन हुने यस भेगमा झण्डै १ हजार ५ सय बिघा क्षेत्रफलमा किसानले उखु उत्पादन गर्न थालेका छन् । यस बाहेक कैलालीबाट यहा उखु खरिद गरिने भएको छ । महाप्रबन्धक महतोले चिनी कारखानाका लागि ५ हजार बिघामा उखु लगाउन किसानलाई अनुदान दिने बताए ।
Discussion about this post