प्युठान असार १५ गते ।
प्युठान जिल्लामा शनिबार साँझबाट भारी वर्षा भइरहेको छ । बाढी पूर्वानुमान महाशाखाका अनुसार जिल्लाको सेउलिबाङ वर्षा मापन केन्द्रमा भारी वर्षा मापन भएको हो । पछिल्लो २४ घण्टामा त्यहाँ १९६.६ मिलिमिटर वर्षा मापन भएको छ ।
महाशाखाका अनुसार ससाना खोलानालामा आकस्मिक बहावको जोखिम रहेकाले सतर्कता अपनाउन भनिएको छ । अहिले साइरन बज्न थालेको छ । स्याउलिवाङ नौबहिनी गाउँपालिकाको १ नं वडामा पर्दछ ।
स्थानीयका अनुसार साँझ ४ बजेदेखि ८ बजेसम्म ठूलो पानी परेको र अहिले केही कम भएपनि निरन्तर आइरहेको छ । माथिल्लो भागमा ठूलो पानी परेपनि सदरमुकाम आसपासमा सानो पानी आएको र अहिलेसम्म ठूलो बाढी आइनसकेको विजुवारस्थित पत्रकार हरि भण्डारीले जानकारी दिए ।
ADVERTISEMENT
Discussion about this post