बाँके असार २१ गते ।
बाँकेको जानकी गाउँपालिकाले प्रदान गर्ने सेवा र सुबिधाको प्रभावकारिता बिषयक सार्वजनिक सुनुवाई सम्पन्न भएको छ । जानकी गाउँपालिकाको आयोजना तथा बास नेपालको सहजीकरणमा सार्वजनिक सुनुवाई सम्पन्न भएको हो ।
जनप्रतिनिधि, कर्मचारी र स्थानीयहरुबीच भएको दोहोरो संवादमा विद्युत, शिक्षा, स्वास्थ्य, कृषि, सडक–बाटो, नाली, खानेपानी, फोहोरमैला व्यवस्थापन, विपद सम्बन्धि समस्या समाधान गर्ने विषयमा आउने दिनमा सहज रुपमा ती योजनाहरु अगाडि बढाइने प्रतिबद्धता व्यक्त गरिएको छ ।
कार्यक्रममा सरोकारवालाको रुपमा उपस्थित गाउँपालिका अध्यक्ष छब्बन खाँ, उपाध्यक्ष रामप्यारी यादव, प्रमुख प्रशासकीय अधिकृत नर बहादुर विक, वडाध्यक्षहरु लगायत सम्बन्धित समितिका संयोजकहरुसंग स्थानीयहरुले बिभिन्न बिषयहरुमा प्रश्न गरेका थिए । बास नेपालले सहजीकरण गरेको कार्यक्रमको सन्चालन रबिन्द्र बोहराले गरेका थिए ।
Discussion about this post