बाँके असार २१ गते ।
नेपालगंज उप-महानगरपालिकाको लापरवाहीले इस्लाम धर्मवलम्बिलाई मोहर्रमको कार्यक्रम गर्न कठिनाई भएको छ । उप -महानगरले सरसफाई नगर्दा फोहोर खुट्टाले मस्जिद जान बाध्य भएको मुस्लिम अगुवाले गुनासो गरेका छन् ।
उप-महानगरले फोहोर व्यवस्थापन नगर्दा मोहर्रमको अवसरमा रातको समयमा निकालिने र्याली तथा कार्यक्रममा समेत असर परेको मोहर्रम व्यवस्थापन समिति धमबोझिका अध्यक्ष मेराज अहमद हल्वाई (हिमालय) ले बताए । उनले फोहोरको बारेमा फेसबुक स्टाटस समेत लेखेर गुनासो जनाएका छन् ।
उनी लेख्छन, `मेयर र उप- मेयर साहब नेपालगंजको मुटु सदरलइन, त्रिभुवन चोक लगायत ठाउँहरूमा राति धार्मिक जुलुस निकाल्दा फोहर मैला जुन तारिकाले फालिएको हुन्छ, त्यो नेपालगंजको लागि दुर्भाग्य नै हो।’
उनले मोहर्रमको अवसरमा इस्लाम धर्मवलम्बीहरु पबित्र भएर नमाज पढ्न मस्जिदमा जाने र रातको समयमा जुलुस निकाल्नु पर्ने भएकोले मुस्लिम बाहुल्य क्षेत्रमा सरासफाईमा ध्यान पुर्याई दिन आग्रह समेत गरेका छन् । `अन्य बेला जे जस्तो भएपनि कम्तिमा कुनै पनि धार्मिक अवसरको बेला सरसफाईमा ध्यान दिनु पर्ने हो कि ?,’ उनले आफ्नो फेसबुक पेजको वालमा लेखेका छन् ।
Discussion about this post