काठमाडौं असार २२ गते ।
एएफसी एसियाकप छनोटमा नेपाल उज्वेकिस्तानसँग पराजित भएको छ। उज्वेकिस्तान भने २२ वर्षपछि एसियाकपमा छनोट हुन सफल भयो। निर्धारित समय ३–३ गोलको बराबरी भएपछि पेनाल्टी सुटआउटमा धकेलिएको खेलमा नेपाल ४–२ ले स्तब्ध भएको हो।
पहिलो हाफमा ३–१ ले पछि परेको अवस्थामा नेपालले सानदार पुनरागमन गर्दै खेललाई दोस्रो हाफमा ३–३ को अवस्थामा ल्याएको थियो। निर्धारित समय ३–३ गोलको बराबरीमा सकिएपछि खेल पेनाल्टि सुटआउटमा धकेलिन पुगेको थियो। जहाँ घरेलु टोली उज्वेकिस्तानले बाजि मार्न सफल भयो।
पेनाल्टी सुटआउटमा उज्वेकिस्तान सबै चार खेलाडीले गोल गर्दा अन्तिम प्रहार गर्नु परेन्। नेपालक लागि भने सावित्राको पहिलो प्रहार पोलमा लागेर फर्किएको थियो। दोस्रो प्रहार गिता रानाले गोलमा परिणत गर्दा सविता राना मगरले पनि गोल गर्न सफल भइन्। तेस्रो प्रहारका लागि आएकी गोलरक्षक अञ्जना राना मगरको प्रहार भने गोलरक्षकले बचाएपछि उज्वेकिस्तानको अन्तिम प्रहार अघिनै नेपालको एसियाकप छनोटको संभावना सकिएको थियो।
Discussion about this post