बाँके साउन ३ गते ।
पछिल्लो समय सशस्त्र प्रहरी वलले बाँकेस्थित नाकामा कडाई गरेपछि एकपछि अर्को अवैध सामान बरामद भइरहेको छ । अवैध सामान नियन्त्रण गरि राजस्व बृद्धि गर्ने लक्ष्य सहित सशस्त्र प्रहरी बल नेपाल–भारत सीमानाकामा कडाई गरेको छ ।
सशस्त्र प्रहरी बल लुम्विनी प्रदेश प्रमुख डिआइजी दिपेन्द्र कुवँरको निर्देशनमा सशस्त्र प्रहरी बल ३० नं. गण हेडक्वार्टर बागेश्वरीका गणपति एसपी शोभाकान्त खनालले मातहतका विओपीलाई तस्करी नियन्त्रण गर्न निर्देशन दिएका छन् । एसपी खनालको निर्देशनपछि बाँकेका विभिन्न विओपीले तस्करीका सामान धमाधम नियन्त्रण तथा बरामद गर्न थालेका हुन् ।
यसैवीच, सशस्त्र प्रहरीले शनिवार पचपोखराबाट लागु औैषध र विभिन्न अवैध सामान बरामद गरेको छ । भारतबाट नेपाल ल्याउँदै गरेको एक लाख ३६ हजार ५२३ रुपैयाँ पर्ने प्रतिबन्धित औषधि बरामद गरेको एसपी खनालले बताए । सशस्त्र प्रहरी बल, नेपाल प्रस्ताविक सीमा सुरक्षा गुल्म जमुनाहाका सशस्त्र प्रहरी नायब उपरीक्षक युवराज खड्काको टोलीले जानकी गाउँपालिका १, पचपोखरा नजिकबाट लागुऔषध बरामद गरेको उनले जानकारी दिए । उनले भने, ‘१२ हजार ट्याब्लेट ट्रामाडोल हाइड्रोक्लोराइड क्याप्सुल र तीन हजार ट्याब्लेट इन्ट्राजेपाल तिन हजार ट्याब्सय बरामद भएको छ ।’
सशस्त्र प्रहरीले लागुऔषध सँगै ६ पेटी टायल र उक्त सामान बोक्न प्रयोग भएको भारतीय नम्बरको स्कुटीसमेत बरामद गरेको छ । ‘भारतबाट लागुऔषध र अवैध सामान ल्याउँदै गरेको सूचनाको आधारमा चेकजाँच गर्दा लागुऔषधको रुपमा प्रयोग हुने औषधि फेला पारेको हो,’ उनले भने, ‘बरामद सामग्रीको अन्दाजी मूल्य करिब ३ लाख ५० हजार रुपैयाँ रहेको छ ।’
सशस्त्र प्रहरीलाई देख्ने वित्तिकै लागुऔषध बोकेको ब्यक्ति स्कुटी छाडेर भागेको सशस्त्र प्रहरीले जनाएको छ ।
बरामद भएका प्रतिबन्धित औषधिको कारबाहीका लागि औषधि व्यवस्था विभागमा पठाइएको उनले जानकारी दिए ।
Discussion about this post