दाङ साउन ४ गते ।
दाङका सञ्चार उद्यमी देवीप्रसाद धिताल (हेमराज)को हत्या भएको १५ वर्ष बितिसक्दा पनि हत्यारा पहिचान र कारबाही नभएको भन्दै परिवारले गृहमन्त्रीको ध्यानाकर्षण गराएको छ । गृहमन्त्री रमेश लेखकलाई हेमराजका भाइ पुष्कर धितालले ज्ञापन पत्र बुझाउँदै आफ्नो दाइको हत्यार पत्ता लगाई कारबाही गर्न माग गरेका हुन् ।
१५ वर्ष बितिसक्दा पनि प्रहरीले हत्यारा पत्ता लगाउन र हत्याको कारण स्पष्ट भन्न नसकेका कारण परिवारसमेत त्रासमा बाँच्नु परेको पुष्करले ज्ञापन पत्रमा उल्लेख गरेका छन् । दाङको रेडियो तुलसीपुर सञ्चालक समितिका तत्कालीन अध्यक्ष हेमराज त्यतिबेला राप्ती अञ्चल सार्वजनिक बस व्यवसायी समिति लगायत विभिन्न सामाजिक संघ संस्थामा आवद्ध थिए ।
तत्कालीन समय नेपाली कांग्रेसको अधिवेशन चलिरहँदा पार्टी भित्र आन्तरिक निर्वाचनमा साविक उरहरी गाविसबाट उम्मेदवारी दिने सोचका साथ आफ्नै उरहरी गाविसका कांग्रेसका नेता कार्यकर्तालाई भेटेर फर्किने क्रममा उनको हत्या भएको थियो । मोटरसाइकलमा राप्ती राजमार्ग हुँदै तुलसीपुरस्थित घर तर्फ आइ रहेका हेमराजलाई बाटो ढुकेर बसेको हतियार धारी एक समूहले लखेटी लेखेटी गोली प्रहार गरी हत्या गरेको थियो ।
उनीमाथि उक्त हतियार धारी समुहले तुलसीपुर उपमहानगरपालिका–१२ जस्पुरको प्रहरी चौकी भन्दा झन्डै ५ सय मिटर उत्तरमा २०६७ साल साउन ६ गते बेलुकी सवा ७ बजेतिर गोली प्रहार भएको थियो । तत्काल तुलसीपुर पु¥याउँदा चिकित्कसले उनलाई मृत घोषणा गरेका थिए ।
Discussion about this post