बाँके साउन २८ गते ।
अधिकतम खुद्रा मूल्य (एमआरपी) नराखेर जुत्ता चप्पल बजारमा पठाउने बाँकेको एक जुत्ता चप्पल कारखानालाई दुई लाख रुपियाँ जरिवाना गरिएको छ ।
वाणिज्य, आपूर्ति तथा उपभोक्ता संरक्षण कार्यालय बाँकेले बजार अनुगमन गर्दा नेपालगन्ज उपमहानगरपालिका–२०, मनिकपुरस्थित गुरदास फुटवेयर इण्डष्ट्रीले एमआरपी उल्लेख नगरी बजारमा उत्पादन बिक्री वितरण गरेको देखिएपछि दुई लाख रुपियाँ जरिवाना गरिएको हो ।
वाणिज्य, आपूर्ति तथा उपभोक्ता संरक्षण कार्यालय बाँकेका प्रमुख हरिबहादुर खत्रीले बजार अनुगमनको क्रममा सो कारखानाले आफ्ना उत्पादनमा अधिकतम खुद्रा मूल्य नराखेरै उत्पादन बजारमा बिक्रीका लागि पठाइएको पाइएकोले कारवाहीस्वरुप दुई लाख रुपियाँ जरिवाना गरिएको बताए ।
उत्पादित कुनै पनि सामानमा एमआरपी उल्लेख नगरी बजारमा बिक्री वितरण गर्न नहुने जनाउँदै वाणिज्य, आपूर्ति तथा उपभोक्ता संरक्षण कार्यालय बाँकेले कुनै पनि उद्योग वा कारखानाले त्यस्तो नगर्न अनुरोध गरेको छ ।
Discussion about this post