बाँके पुस ८ गते ।
८ औँ विद्यालयस्तरीय मेयर कप तथा राष्ट्रपति रनिङ शिल्ड खेलकुद प्रतियोगिता र हाल देखिएको अत्यधिक चिसो मौसमका कारण नेपालगन्ज उपमहानगरपालिका क्षेत्रभित्रका सम्पूर्ण विद्यालयमा सार्वजनिक विदा दिने निर्णय भएको छ ।
नेपालगन्ज उपमहानगरपालिकाले आयोजना तथा प्याब्सन नेपालगन्जको व्यवस्थापनमा यहि पुष ११ गतेदेखि ८ औँ विद्यालयस्तरीय मेयर कप तथा राष्ट्रपति रनिङ शिल्ड खेलकुद प्रतियोगिता हुंदैछ ।
उपमहानगरपालिकाको नगर कार्यपालिकाको कार्यालय अन्तर्गत शिक्षा, युवा तथा खेलकुद महाशाखाका प्रमुख गोर्ख बहादुर थापाद्वारा जारी गरिएको सूचनामा पुस ११ गतेदेखि १४ गतेसम्म सामुदायिक, धार्मिक तथा संस्थागत सबै विद्यालयमा विदा दिइएको उल्लेख गरिएको छ ।
प्रतियोगिता सञ्चालनका क्रममा विद्यालयस्तरका विद्यार्थीहरूको व्यापक सहभागिता रहने र अत्यधिक चिसो मौसमका कारण बालबालिकाको स्वास्थ्यमा प्रतिकूल असर पर्न सक्ने देखिएकाले सार्वजनिक विदा दिने निर्णय गरिएको थापाले बताए ।
तर आज देखि नेपालगन्जमा भने अत्यधिक चिसो बढेको छ । सोमबार दिउँसो घाम लागेपनि मंगलबार बिहानैदेखि शीतलहर चलेको छ । हुस्सुले आकाश छोप्दा राझा बिमानस्थलबाट हुने सबै उडान र अवतरण बन्द भएको छ ।
Discussion about this post