बाँके पुस ८ गते ।
उपेन्द्र यादव नेतृत्वको जनता समाजवादी पार्टी नेपाल (जसपा नेपाल) ले आगामी फागुन २१ गते हुने निर्वाचनका लागि बाँके क्षेत्र नं. २ बाट प्रत्यक्षतर्फ पाँच जनाको नाम सिफारिस गरेको छ।
पार्टीका अनुसार बाँके क्षेत्र नं. २ बाट प्रत्यक्ष उम्मेदवारका रूपमा कमरुदिन राई, ईस्तियाक अहमद शाह, बाबू खाँ पठान, राजन राना मगर र सिताराम यादवको नाम सिफारिस गरिएको हो।
कमरुदिन नेपालगन्ज उपमहानगरपालिकाका नगर उप प्रमुख हुन् भने शाह नरैनापुर गाउँपालिकाका अध्यक्ष हुन् ।
पार्टी संगठन सुदृढीकरण, समावेशी प्रतिनिधित्व र स्थानीय जनताको मुद्दालाई प्राथमिकतामा राख्दै उम्मेदवार सिफारिस गरिएको जसपा नेपालले जनाएको छ।
सिफारिस भएका नेताहरु लामो समयदेखि पार्टी संगठन निर्माण, सामाजिक सेवा तथा राजनीतिक गतिविधिमा सक्रिय रहँदै आएका छन्। सिफारिस सूची केन्द्रमा पठाइनेछ र केन्द्रीय समितिले आवश्यक मूल्यांकनपछि अन्तिम उम्मेदवार टुंगो लगाउनेछ।
Discussion about this post