बाँके फागुन १ गते ।
छोटो समयमा चर्चा कमाएका नेता मध्ये कमरुद्दिन राई पनि एउटा हुन् । बोलीमा मिठास अनि जनताको काममा निरन्तर खटिएकै कारण उनी सबैको मन, मस्तिष्कमा बस्न सफल भएका हुन् ।
बिक्रम सम्बत २०३४ सालमा नेपालगन्जमा जन्मिएका कमरुद्दिन सरल स्वभावका मात्र नभई असत्यका बिरुद्ध खरो रुपमा उत्रिन्छन् । हुने बिरुवाको चिल्लो पात भने झैं उनी सानै उमेरदेखी समाजसेवामा लागे । उनी १९ बर्षको उमेरदेखि नै राजनीति सुरु गरे, तर पद र शक्तिको लालच कहिल्यै गरेनन् ।
लामो समय राजनीति गरे पनि उनी पदभन्दा सेवालाई प्राथमिकतामा राखेर काम गरे । ’मलाई पदभन्दा बाहिर बसेर जनताको सेवा गर्न औधि रुची लाग्छ,’ उनले भने ।
पदमा नहुँदा जनताको सेवामा केहि समस्या हुने बुझेका उनी अहिले जनता समाजवादी पार्टी नेपालको केन्द्रिय सचिवको जिम्मेवारीमा छन् । उनी अहिले गरिव, निमुखा जनताको अधिकार स्थापित गर्ने सपना बोकेर संघीय सांसदको चुनावी प्रतिस्पर्धामा छन् । ’नीति बनाउने ठाउँमा पुग्ने बित्तिकै मधेसी, मुस्लिम, अल्पसंख्यक, सिमान्तकृति समुदायको अधिकार स्थापित गराउन लाग्छु,’ उनले भने ।
उनी जिल्ला अध्यक्ष भएको बेला २०६४ र २०७० सालको संविधानसभाको चुनावमा जसपा नेपालका उम्मेदवार बिजयी भएका थिए । २०७४ सालको स्थानीय तहको निर्वाचनमा पनि पार्टीका उम्मेदवारहरुले सम्मानजनक जित हासिल गरेका थिए । उनी नेपालगन्जमा मात्रै नभैइ समग्र बाँके जिल्लामा एउटा परिचित नाम अनि युवाहरुको रोजाईमा पर्न सफल भएका छन् । ’मैले अरुको लागि धेरै गरे। अझ धेरै गर्न बाँकी छ । यो ज्यान रहँदासम्म गरिरहन्छु,’ उनले भने ।
उनी नामका लागि नभई कामका लागि पनि उत्तिकै खारिएका नेता हुन् । ’म नेता नभई जनताको सेवक भन्न रुचाउँछु,’ उनले भने ।
दुई दशक बढि राजनीतिक यात्राको संघर्ष पछि उनी नेपालगन्जको उपमेयरमा बिजयी भए । उनी उपमेयरमा बिजयी भएपछि पनि पदको घमण्ड कहिलै गरेनन् । गरिव होस या अमिर सबैलाई समान व्यवहार गरेका उनी निकट र बिकटको व्यवहार देखाएनन् । ’उपमेयर हुँदा कमरुद्धिन राईले कहिलै काखा पाखा गरेको देखेनौ,’ नेपालगन्ज २० का शिवकुमार वर्माले भने ।
उनको शालीन व्यवहारले अन्य पार्टीमा आस्था राख्ने र फरक बिचार भएकाहरुले पनि साथ दिएका छन् । नेपालगन्जको बिकास र सेवामा प्रत्यक्ष जोडिएका राईले मुस्लिम समुदाय मात्र नभइ समग्र बाँके क्षेत्र नम्बर २ को बिकासमा होमिने योजना बनाएका छन् ।
उनको प्राथमिकतामा जहिले पनि महिला, बालबालिका युवा अनि उनीहरुले पाउने शिक्षाको विषय नै रह्यो ।
यसका साथै राज्यद्वारा पछाडि पारिएका समुदायको अधिकारको विषय नै उनको राजनीतिक जीवनको एउटा अभिन्न अंग बनेको छ। ’जनताको काममा दिन रात खटिने छु । चुनावी नारा अनि प्रतिबद्धतालाई पूरा गर्न कुनै कसुर बाँकी राख्ने छैनन्,’ उनले भने ।
Discussion about this post