बर्दिया मंसिर २१ गते । बालबालिकाको बिकासका लागि साप्ताहिक रुपमा अतिरिक्त क्रियाकलाप संचालन गर्नुपर्ने बालबालिकाको अतिरिक्त क्रियाकलापका अतिथि सरस्वती माध्यामिक बिधालयका प्रधानाध्यापक ओम प्रकास यादवले बताएका छन् साथै उहाँले आफनो बिधालयले पनि साप्ताहिक रुपमा अतिरिक्त क्रियाकलाप संचालन गर्ने याजना भएता पनि गर्न नसकिएको र आगामि दिनमा निरन्तर रुपमा शुक्रबार अतिरिक्त क्रियाकलाप संचालनमा सहयोग गर्ने प्रतिबद्दता ब्यक्त गर्नुभएको छ ।
प्लान इन्टरनेशनल नेपाल फिल्ड अफिस नेपालगंजको साझेदारीमा स्याक नेपाल द्धारा संचालित प्रत्याभुत संचार परियोजना अन्तर्गत बारबर्दिया नगरपालिका वडा नं १ जमुनियाको सरस्वती माध्यामिक बिधालयमा सम्पन्न गरिएको छ ।
प्रत्याभुत बालबालिकाहरुको अन्र्तनिहित प्रतिभालाई प्रस्फुटन गर्ने, उनीहरुलाई बिभिन्न खेलहरुको माध्यमबाट मनोरन्जन गराउने तथा समाजमा बिधमान परम्परागत हानिकारक अभ्यासहरु बिरुद्द एकजुट गराउने उद्देश्यले उक्त कार्यक्रम आयोजना गरिको प्रत्याभुत संचार परियोजनाका सिनियर परियोजना अधिकृत शेषकान्त शर्माले जानकारी गराए । अतिरिक्त क्रियाकलापको ब्यवस्थापन स्याक नेपालका फिल्ड सुपरभाईजर आशा भण्डारी र सुमिता चौधरीले गर्नुभएको थियो ।
कार्यक्रममा सहभागिहरु बिच चित्रकला, तातोआलु, रुमाल लुकाई र बोरा दौड प्रतीयोगीता संचालन गरिएको थियो । उक्त क्रियाकलापहरुमा कक्षा ५ देखि ७ कक्षा सम्मका ६३ जना बालबालिकाहरुले भाग लिएका थिए । कार्यक्रमको अन्त्यका सहभागीहरुलाई बाल अधिकार, दुर्ब्यबहार र दुर्ब्यबहार भएमा के गर्ने कसलाई र कहां उजुरी गर्नै भन्ने बारे जानकारी कार्यक्रम संचालक शेषकान्त शर्माले गराएका थिए । सवै सहभागी बालबालिकाहरुले बालबिबाह तथा दुर्ब्यबहारका घटनाहरु उजुरी गर्ने तथा आफुहरु नजिकको बालक्लव तथा किशोरी क्लवहरुमा आवद्द हुने प्रतिबद्दता ब्यक्त गरे ।
Discussion about this post