बाँके पुस ८ गते ।
इन्सेक नेपालगञ्जको आयोजनामा पुस ८ गते नेपाल मानव अधिकार वर्ष पुस्तक २०२० को प्रकाशन पूर्व वार्षिक समीक्षा सम्पन्न भएको छ ।
कार्यक्रममा इन्सेक प्रदेश ५ का संयोजक भोला महतले इन्सेकले वर्ष पुस्तकलाई थप परिमार्जन गर्न आर्थिक सामाजिक तथा सांस्कृतिक अधिकारका विषयलाई प्राथमिकता दिएको बताउनुभयो ।
कार्यक्रममा इन्सेक जिल्ला प्रतिनिधि स्मृति देवकोटाले जिल्लामा सङ्कलन गरिएका धम्की र कुटपिटका तिन ओटा, गिरफ्तारीका ६ ओटा, बाल अधिकार उल्लङ्घनका १३ ओटा, बलात्कार तथा यौन दुर्व्यवहारका आठ ओटा , परिवारजनबाट हत्या पाँच ओटा घरेलु हिंसाका कारण आत्महत्या गरेको भन्दै प्रहरीमा उजुरी परेका पाँच ओटा, मानव बेचबिखन तथा ओसार पसारका सात ओटा, घरेलु हिंसाका मिलापत्रका १ सय ८ ओटा र कारागार र बन्दीका तिन ओटा गरी १ सय ६४ ओटा घटना रहेको प्रतिवेदन प्रस्तुत गरेकी थिइन् ।
कार्यक्रममा मानव अधिकार आयोग नेपालञ्जकी सुचना अधिकारी द्घारिका कुमारी अधिकारीले मानव अधिकार बर्ष पुस्तकमा जन्मदर्ता र नागरिकताको विषयलाई पनि विषेश प्रथामिकता दिनुपर्ने बताउनुभयो ।
जिल्ला प्रशासन कार्यालय बाँकेका सिडिओ कुमार बहादुर खड्काले स्थानिय तहमा रहेका व्यक्तिहरुको कामको ढिलाईका कारण काम गर्न गाह्रो बताएको बताउनुभयो । उहाँले कारागार र वाल सुधार गृहको अवस्था सुधार्न लागि परेको बताउनुभयो । नागरिकताको विषयमा आफु संवेदनशिल रहेको बताउनुभयो ।
जिल्ला प्रहरी कार्यालय बाँकेका डिएसपि शिव बहादुर सिहंले नागरिकलाई कहि कतै बाट डर धम्कि आएको भए नडराई घटना बारे जानकारी दिन आग्रह गनुभयो । उहाँले मानवअधिकारको विषयलाई सम्वेदनशिल भएर हेरेको र मानव अधिकार बर्ष पुस्तकमा प्रहरीमाथि भएको दुव्र्यवहारलाई पनि समेटनुपर्ने बताउनुभयो ।
नेपाल उद्योग बाणिज्य संघका केन्द्रीय सदस्य कृष्ण प्रसाद श्रेष्ठले विप्लव कार्यकर्ताहरुको गतिविधिहरुले व्यवसायीहरुलाई दुख दिएको बताउनुभयो ।
अधिवक्ता प्रहलाद बहादुर कार्कीले कानुनका नाममा भएका अन्यायहरुको विषयलाई समेटनुपर्ने बताउनुभयो ।
स्मृति देवकोटा
Discussion about this post