बाँके पुस १० गते ।
यही १२ गते ४ जिल्लाका थारु अगुवाहरु नेपालगन्जमा भेला हुने भएका छन् । अहिलेको राजनीतिमा थारु समुदायको समसामायिक विषय, २०७८ सालमा हुने नयाँ जनगणनाको बारेमा छलफल, टिकापुर घटनाको बारेमा थारु अगुवाहरुको भुमिका के ?, लोकसेवा आयोगमा छुट्टै कोटाको व्यवस्था लगायत नेपालगन्ज उपमहानगरपालिकामा नगर थारु कल्याणकारिणी सभा गठन गरिने थारु कल्याणकारिणी सभा बाँकेका अध्यक्ष विनोद चौधरीले जानकारी गराउनुभयो ।
बाँके, बर्दिया, दाङ र सुर्खेतका करिव सय बढि थारु अगुवाहरुको उक्त कार्यक्रममा सहभागिता रहने अध्यक्ष चौधरीले जानकारी गराउनुभयो । सहभागिलाई थारु कल्याणकारिणीसभाका केन्द्रिय उपाध्यक्ष देवी चौधरी र केन्द्रिय सदस्य गोविन्द चौधरीले प्रशिक्षण दिने कार्यक्रम समेत रहेको उहाँले बताउनुभयो । नेपालगन्जबाटै राष्ट्रिय मुद्दाको विषयमा बहस हुने अध्यक्ष विनोद चौधरीले जानकारी गराउनुभयो । थारु कल्याणकारिणी सभा बाँकेका अध्यक्ष विनोद चौधरीको अध्यक्षतामा हुने थारु अगुवाहरुलाई प्रशिक्षण कार्यक्रमको उद्घाटन तथा प्रमुख अतिथि केन्द्रिय उपाध्यक्ष देवी चौधरीले गर्नुहुने आयोजकले बिहीवार नेपालगन्जमा पत्रकार भेटघाट कार्यक्रम गरि जानकारी गराएको छ ।
Discussion about this post