काठमाडौ पुस १३ गते । नख्खुमा रहेको असहाय तथा अनाथ बालबालिका संरक्षण फाउण्डेशन नेपाललाई सहयोग हस्तान्तरण गरिएको छ ।
१८ वर्षदेखि अनाथ तथा असहाय बालबालिकाहरुलाई संरक्षण गर्दै आइरहेको उक्त फाउण्डेशनलाई चिनियाँ नागरिकले सहयोग हस्तान्तरण गरेका हुन् । अनाथालयका संचालक तथा पर्यटन व्यवसायी लिलाधर भण्डारीले पर्यटनको माध्यमबाट अनाथालयका लागि सहयोग संकलन गरेर ४०, ४५ बालबालिकाको हेरचाह र शिक्षा दिक्षा दिइरहेको बताउनुभयो । पहिलो पटक २ वर्ष अघि अनाथालयमा आएका चिनियाँ नागरिकहरुले अहिले प्रत्येक ६—६ महिनामा सहयोग गरिरहेको उहाँको भनाई छ । अहिले सम्म सरकारबाट कुनै पनि अनाथालयहरुले कुनै सहयोग नपाएको उहाँले बताउनुभयो । आफु ट्राभल व्यवसायी भएकाले पनि नेपालमा आउने पर्यटकहरुलाई अनाथालय भिजिट गराउने गरेको उहाँले बताउनुभयो ।
केन्द्रीय बाल कल्याण समिति, जिल्ला बाल कल्याण समिति र जिल्ला प्रशासन कार्यालयबाट सिफरिस भएर आएका बालबालिकाहरुलाई अनाथालयले संरक्षण दिँदै आएको छ ।
Discussion about this post