बाँके पुस २० गते । खजुरा- ५ रजनवागाउँका कैलाश मौर्यले अन्याय भएको भन्दै दुखेसो पोख्नुभएको छ । १५ लाख बढी रुपैया खर्च गरेर बल्ल-बल्ल बाँचेको भन्दै उहाँले न्यायालयले समेत क्षतिपूर्ति दिलाउदा कन्जुस्याई गरेको दुखेसो पोख्नुभयो ।
न्याय दिलाउन २५ हजार रुपैया क्षतिपूर्ति तोकिदियो खर्च १५ लाख भन्दा बढी भएको छ। उहाँले शनिवार नेपालगन्जमा पत्रकार सम्मेलन गरि जानकारी गराउनुभयो ।
कैलाशलाई न्यायालयले मात्रै होइन, प्रहरीले बिल पेश गर्दा नै अन्याय गरेको उहाँले पत्रकार सम्मेलनमा भन्नुभयो ।
लखनऊमा एक महिना १३ दिन उपचार गर्दा १५ लाख भन्दा बढी रुपैया खर्च भएकोमा प्रहरीले एक लाख २५ हजार भारुको बिल मात्रै लिएको कैलाशले बताउनुभयो । ‘प्रहरीले पेश गरेको बिलको पैसा पनि अदालतले दिलाइ दिएन, कैलाशले भन्नुभयो । हामी त सबैतिरबाट पीडित भयौ ।
आक्रमणकारीले अझै मार्छु भनिरहेको छ । तर पनि सहानुभुति दिने कोही छैन । २०७५ कात्तिक ८ गते राती साढे आठ बजे खेतमा पानी हालिरहेको बेलामा कैलाशलाई आफन्त नै पर्ने छिमेकी राजित मौर्य र उनका ज्वाई राजु मौर्यले सांघातिक आक्रमण गरे ।
राजित र राजुको चक्कु प्रहारबाट कैलाशको गर्धनको नसा काटियो । घटनालगत्तै उपचारका लागि नेपालगञ्ज र कोहलपुर नर्सिङहोम लगिएको थियो ।
त्यहाँबाट भारतको लखनऊ लगियो । शुरुमा मेडलाइफमा र पछि केडियम अस्पतालमा उपचार गरिएको थियो ।
कैलाशको अहिले बाया हात र खुट्टा कम चल्ने भएको छ । लखनऊमा एक महिना १३ दिन उपचार गरेर फर्किदा आक्रमणकारी राजित दुई लाख रुपैया धरौटीमा छुटिसकेका थिए ।
राजु अझै थुनामा रहेका छन् । एक हप्ता अघि पुस १३ गते अदालतले राजु र राजितलाई दुई÷दुई वर्ष कैद, २५ हजार क्षतिपूर्ति र दश हजार रुपैया जरिवाना तोकेको छ । अदालतले उपचारमा लागेको खर्चसमेत भराइदिएन । मौर्य काम गर्न नसक्ने हुनुभयो ।
कसरी तीन सन्तानको लालनपालन गर्ने ? मौर्यका श्रीमती रिता मौर्यले भन्नुभयो । खाना लाउनको लागि भएको जग्गा बेचेर उपचार गरियो । अदालतले उपचारको खर्चसम्म क्षतिपूर्ति दिलाइदिएको भए राहत मिल्थ्यो ।
अहिले न्यायले पनि साथ दिएन उहाँले भन्नुभयो ।
एक त प्रहरीले सबै बिलको मुचुल्का गरिदिएन । प्रहरीले मुचुल्का उठाएको जति बिलको पैसा पनि अदालतले क्षतिपूर्ति स्वरुप दिलाएन ।
कैलाशको अहिले पनि औषधी चलिरहेको छ । जग्गाजति बेचेर सकियो ।
अब कसरी उपचार गर्ने घरपरिवारलाई तनाव भएको छ । ‘न्यायालयले त हाम्रो पीर मर्का बुझिदिनु पथ्र्यो, त्यसो हुन सकेन ।
कैलाशका जेठान रामनिवास मुराउले भन्नुभयो । अदालतले पीडितले भने अनुसार वा प्रहरीको मुचुल्का अनुसार नै क्षतिपूर्ति दिन्छ ? अधिवक्ता लोकबहादुर शाहीले भन्नुभयो, त्यस्तो हुँदैन ।
अदालतले मनासिव क्षतिपूर्ति दिलाइदिन्छ ।
तर किन दिलाएन सो विषयमा सोधपुछ गर्न सकिने उहाँले भन्नुभयो । न्यायलय जहिले पनि पिडित पक्षलाई बढि हेर्ने गरेको उहाँले भन्नुभयो ।
Discussion about this post