काठमाडौँ पुस २४ गते । अष्ट्रेलियामा भएको कार्यक्रमलाई लिएर भ्रामक समाचार फैलिएपछि संस्कृति, पर्यटन तथा नागरिक उड्डयन मन्त्री योगेशकुमार भट्टराईले आफ्नो देशको बेइज्जत नगर्न आग्रह गरेका छन् ।
सिड्नीबाटै प्रतिक्रिया दिँदै उनले गलत सूचना प्रवाह के मुलुकको हितमा भयो त भन्ने प्रश्नसमेत गरेका छन् । उनले व्यक्तिगत रुपमा मेरो बेइज्जत गर्नुस् तर नेपालको बेइज्जत नगर्नुस् भनेर अपिल गरेका छन् ।
मुलुकलाई कसरी बेइज्जत गर्न सकिन्छ भनेर केही तत्वहरु जानीजानी लागेको भन्दै मन्त्री भट्टराईले दुःख व्यक्त गरेका छन् । उनले भनेका छन्, ‘हरेक देशमा सुरक्षाका नियम हुन्छन्, यही विषयलाई लिएर कतिपयले नेपाल र अस्ट्रेलियाको सम्बन्ध बिगार्न खोजेका छन् ।
अस्ट्रेलियामा आगलागीको संकट भए पनि नेपालबाट सोचेजस्तो असहज अवस्था नभएको मन्त्री भट्टराईले जिकिर गरे । नेपाल भ्रमण वर्षको अन्तर्राष्ट्रिय शुभारम्भमा कुनै व्यवधान नभएको बताउँदै उनले भने, कसैले भनेजस्तो पहिलो गाँसमा ढुंगा अड्किएको छैन । यस्ता कुरालाई लिएर पछि लाग्नु बेकार हो ।
Discussion about this post