भगतराम थारु बाँके माघ ६ गते ।
नेपालगन्ज उपमहानगरपालिका वडा नं. १४ को सार्वजनिक जग्गा भारतिय नागरिकलाई उपलब्ध गराईएको छ ।
वडा नं. १४ को लापरवाहीका कारण वडा कार्यालय कै अगाडी भारतिय नागरिकलाई भवन बनाउन १० धुर जग्गा वडा कार्यालयले उपलव्ध गराएको हो । वडाको मिलोमतोमा सार्वजनिक जग्गा हिनामिना गर्नु वडा कार्यालयको सरासर गलत कार्य भएको भन्दै स्थानियले विरोध समेत जनाएका छन् ।
सके सम्म स्थानिय गरिव दुखी नागरिकलाई सार्वजनिक जग्गामा घर बनाउन दिएपनि हामी चुप लागेर बस्ने थियौ स्थानिय एक नागरिकले भन्नुभयो । नचिनेको न जानेको नागरिकलाई सार्वजनिक जग्गामा भवन बनाउन दिनु हामीहरु कुनै पनि हालतमा मान्य नहुने स्थानियले बताएका छन् । बारम्बार वडा कार्यालयले आफ्नो मनोमानीमा सार्वजनिक जग्गा अरुलाई भोगचलनको लागि दिने गरेको स्थानिय धमेन्द्र कुमार बर्माले बताउनुभयो ।
सार्वजनिक जग्गामा घर निर्माण भएको थाहा पाउँदा स्थानिय नागरिकले वडालाई जानकारी गराउँदा उल्टै दादागिरीपारामा धम्काउने गरेको स्थानिय युवाहरुले आरोप लगाएका छन् । सार्वजनिक जग्गामा करिव १ महिना अगाडीदेखि घरनिर्माण हुदा पनि स्थानिय सरकार मौन रहेको उनिहरुको भनाई छ । सार्वजनिक जग्गामा स्थानिय जनतासंग विना जानकारी आफ्नै खुसीमा मनपरीतन्त्रले कार्य भैरहेको स्थानिय श्रवर्ण कुमार सिंहले बताउनुभयो ।
यति मात्र होइना धेरै ठाउँमा सार्वजनिक जग्गा अधिग्रहण भएको उहाँले जानकारी दिनु भयो ।
वडा नं. १४ मै ३ ठाउँमा सार्वजनिक जग्गा अरुले कव्जा गरेर बसेको स्थानियले बताएका छन् । वडा कार्यालय कै अगाडी रहेको सभागृह नजिकै १० धुर जग्गा भारतिय नागरिकलाई वडाले भोगचलन गर्न दिएपछि स्थानिय युवाहरु त्यसको विरोधमा उत्रेका छन् । उनिहरु बारम्बार वडालाई दवाव दिदा समेत वडाले सुनवाई नगरेपछि नेपालगन्ज उपमहानगरपालिकामा ज्ञापन पत्र समेत दिने उनिहरुले बताएका छन् ।
वडाको एकलौटी निर्णयले स्थानिय विरोधमा उत्रेका छन् । स्थानिय जनता गुनासोलाई समेत वडा अध्यक्ष ओमकार नाथ मिश्राले धम्कीपुर्ण व्यवहारले प्रस्तुत हुने गरेको स्थानियवासीले बताएका छन् । सानो सानो विवादमा पनि वडा अध्यक्ष मिश्राले आक्रोश व्यक्त गरि स्थानियलाई धम्काउने समेत गरेको उनिहरुले बताएका छन् । जनताले भनेको कुरा आफुलाई अपाच्य हुने समेत स्थानिय रामप्रसाद कुर्मीले बताउनुभयो । वडामा मात्र होइना वडाका ३÷४ ठाउँमा सार्वजनिक जग्गा मिचिएको छ कुर्मीले भन्नभयो । सार्वजनिक जग्गामा संघ संस्था र व्यक्तिलाई दिईएको छ स्थानिय जनता कसरी खुसी हुनु उहाँले भन्नुभयो ।
स्थानिय सरकार आएपछि आफुखुसी कार्य भैरहेको देखेर स्थानियवासी असन्तुष्ट जनाएका छन् । वडा अध्यक्ष लगायतको टिमले आफ्नो मनपरि तरिकाले पावरको भरमा मनोमानी कार्य भैरहेको स्थानियले जनाएका छन् । यस्तै वडा नं. १४ का वडा अध्यक्ष ओमकारनाथ मिश्राले वडाको सिफारिसमा चियानास्ता पसल संचालन गर्न दिएको जानकारी गराउनुभयो । वडाले जतिवेला नि हटाउन सक्छ उहाँले भन्नुभयो ।
वडाको सिफारिसमा बनिरहेको घर सार्वजनिक जग्गामै रहेको उहाँले जानकारी गराउनुभयो । जसलाई नास्ता पसल संचालन गर्न दिइरहेका छौं उ नेपाली नागरिक हो र गरिव घरको परिवार रहेको हुनाले वडाको सिफारिसमा चिया नास्ता पसल गर्न दिइएको वडा अध्यक्ष मिश्राले बताउनुभयो । वडामा अरु ठाउँमा कतै पनि सार्वजनिक हिनामिना नभएको वडा अध्यक्ष मिश्राले बताउनुभयो ।
सार्वजनिक जग्गा मिचिने घटना नयाँ होइन । २० बर्ष जनप्रतिनिधि नभएको मौका छोपी नेपालगन्ज उपमहानगरपालिका क्षेत्र भित्र रहेका धेरै सार्वजनिक जग्गा मिचिएका छन, भौतिक पूर्वाधार निर्माण गरिएको छ । तर स्थानिय निकाय मौन रहेको छ ।
वडा नं १४ को भवानियापुरमा संरक्षणको काम भएको तथा वडा नं २२ मा कान्जि हाउस निर्माण, वडा नं २० मा विद्यालयको जग्गा संरक्षण गरिएको उपमहानगरपालिको जानकारी दिएको छ । नेपालगन्ज वडा नं. १९ मा सोल्टी होटल नजिक २३ कठ्ठा जग्गा संरक्षणमा चुनौति देखिएको छ । नेपालगन्ज उपमहानगरपालिकामा २ सय २५ विगाह जग्गा ऐलानी फेला पारिसकेको उपमहानगरपालिकाले जानकारी दिएको छ । सल्यानीबागमा रहेको सार्वजनिक जग्गामा चिल्ड्रेन पार्क निर्माण गरिएको छ ।
Discussion about this post