बाँके माघ ७ गते ।
नेपालगन्जमा एक जना आफ्नै बुवालाई अपहरण गरेर बुवाको नाममा रहेको सम्पत्ति आफ्नो नाममा गराएका छन् ।
नेपालगन्ज उपमहानगरपालिका वडा नं. १२ कोरियनपुर बस्ने महेन्द्र बहादुर विसीलाई आफ्नै कान्छो छोरा हिमेन्द्र विसीले अपहरणसैलीमा लगि भएको सारा सम्पत्ति आफ्नो नाममा गराएका हुन् ।
आफुसंग भएको सम्पत्ति पहिले नै उनिहरुकै नाममा गराउँदा पनि अरु सम्पत्ति हडप्नाको लागि विभिन्न किसिमको प्रलोभन, धम्की, गाली गलोज लगायत मानसिक यातना दिइ नमान्दा आफुलाई अपहरण गरि रियाव सेन्टरमा लगेर जवरजस्ती सम्पत्ति आफ्नो नाममा गराएको उहाँले बताउनुभयो । सम्पत्ति आफनो नाममा गराउन कै लागि हरेक किसिमको यातना दिएको महेन्द्र बहादुर विसीले बुधवार नेपालगन्जमा पत्रकार सम्मेलन गरि जानकारी गराउनुभयो ।
२०७५ साल असोज २७ गतेका दिन छोरा हिमेन्द्र विसी र उसको दुई÷तिन जना साथीहरु आएर मेरो इच्छा विपरित नेपालगन्ज उपमहानगरपालिका वडा नं. १० स्थित सामना पुर्नस्थापना केन्द्रमा लगि बुझाएको उहाँले जानकारी गराउनुभयो ।
पुर्नस्थापना केन्द्रमा लगि त्यहाँका मानिसले विना कारण थरि थरिको औषधी खुवाउने र बेहोस गराउने गरेको उहाँले पत्रकार सम्मेलनमा भन्नुभयो ।
नेपालगन्ज मेडिकल कलेजमा औषधी दिन मन नगरेपछि कोहलपुरमा लगि त्यहाँ किनेको औषधी हातखुट्टा समातेर खुवाउने गरेको उहाँले आरोप लगाउनुभयो । उक्त औषधी सेवन गरेपछि लठ्याउने गरेको उहाँले बताउनुभयो । ४ महिना ११ दिन पछि जव डिमागले काम गर्न छोडेपछि मालपोतमा लगि खुरुखुरु सहिछाप नगरे पुन थुनामा हाल्ने धम्की दिएपछि अरुको साहारामा हात समातेर जवरजस्ती सहिछाप गराएको उहाँले बताउनुभयो ।
छोरा हिमेन्द्रले सहिछाप गरेर घरमा ल्याएपछि मेरो कोठामा रहेको चेकबुक, पेन्सन पट्टा तथा जग्गा धनी प्रमाणपत्र समेत नरहेको र सोधपुछ गरेपछि केही सामान फिर्ता दिएको उहाँले बताउनुभयो । त्यसपछि बैंकमा पनि बुझन जाँदा मेरो नक्कली सहिछाप गरि पेन्सन आएको रकम समेत निकालेको उहाँले जानकारी गराउनुभयो । छोरा हिमेन्द्रले अव घरमा बस्ने कुनै अधिकार छैन जहाँ गए जानु यो घर मेरो पुरै भैसकेको भनेर जानकारी समेत गराएको उहाँले भन्नुभयो ।
महेन्द्रले आफुलाई बेघर तुल्याई मेरो श्रीसम्पत्ति समेत आफ्नो नाममा गराएको हुनाले आफुलाई सो मेरो नाममा रहेको श्रीसम्पत्ति फिर्ता गरि पाउँ भनेर सम्बन्धि न्याय दिने निकायसमक्ष दौडधुप गरिरहेको उहाँले बताउनुभयो । न्यायको लागि जहाँ गएपनि पावरको आडमा कोही कसैले मेरो साथ सहयोग नगरेको उहाँले बताउनुभयो ।
न्यायको लागि जिल्ला प्रहरी धाउँदा पनि प्रहरी प्रशासनको साथ नमिलेको उहाँले बताउनुभयो । जहाँ गएपनि आफ्नो मान्छे बनाई हाल्ने र उल्टै धम्की दिने गरेको उहाँले बताउनुभयो । महेन्द्रले आफ्नो नामको जग्गा छोरा छोरीलाई उनिहरुको हिस्सा दिँदा पनि मेरो हिंसा मेरो मन्जुरी विना कान्छो छोरा लगायत उसका ससुरालीको सहयोगमा मलाई अन्याय गरेको उहाँले पत्रकार सम्मेलन गरि आरोप लगाउनुभएको छ ।
महेन्द्रको पहिलेको श्रीमतिको मृत्युपछि आफ्नो हेरचाहको लागि अर्को विवाह गर्दा पनि छोराछोरीको मिलोमतोमा श्रीमतिलाई घरबाट निकाला गरेको उहाँले बताउनुभयो । यस्तै जिल्ला प्रहरी कार्यालय बाँकेका डिएसपी शिव सिंहले करिव ४÷५ पटक बुवा छोरालाई राखी सहमति गराई पठाएको जानकारी गराउनुभयो । उहाँले दुवैको सहमतिमा छलफल गराई संगै बस्ने सहमतिमा उनिहरुलाई घर पठाएको जानकारी गराउनुभयो ।
यता छोरा हिमेन्द्रले भने बुवा महेन्द्र विरामी भएको कारण पुर्नस्थापना केन्द्रमा पठाएको डिएसपी सिंह समक्ष जानकारी गराउनुभएको थियो । यस्तै छोरा हिमेन्द्रले पारिवारिक सहमतिमा सम्पत्ति बाँडफाँड गरिएको जानकारी गराउनुभयो । बुवालाई सन्चो नभएपछि उपचारका लागि कोहलपुरमा चेकजाँच गराएर औषधी खुवाएको अन्यथा केही नभएको उहाँले धारणा राख्नुभयो ।
सबै छोराछोरीको सहमतिका आधारमा बुवाको सम्पत्ति र आफ्नो नाममा रहेको सम्पत्ति बाँडफाँड गरिएको उहाँले बताउनुभयो । बुवा महेन्द्रले घरि घरि विवाह गर्ने र सम्पत्ति जताजतै बाँडिने गरेको हुनाले पारिवारिक सहमतिमा बाँडफाँड गरिएको छोरा हिमेन्द्रले बताउनुभयो ।
Discussion about this post