बाँके माघ ८ गते । बाँकेको नेपालगन्जमा चार दिने निशुल्क स्वास्थ्य शिविर संचालन हुने भएको छ । यशोदा इन्द्रेणी डाइग्नोष्टिक प्रालीको आयोजनामा यहीँ माघ १५ गतेदेखि १८ गतेसम्म उक्त निशुल्क स्वास्थ्य शिविर संचालन हुन लागेको हो ।
नेपालगन्जमा यशोदा इन्द्रेणी डाइग्नोष्टिक प्रालिले मंगलवार पत्रकार सम्मेलन गरि शिविर बारे जानकारी गराईएको थियो । स्वास्थ सम्बन्धि जनचेतना दिने मुख्य उद्देश्यले शिविरको आयोजना गरिएको कन्सल्टेन्ट फिजिसियन तथा भेरी प्रादेशिक अस्पतालका डायलसिस विभाग प्रमुख डाक्टर पारस श्रेष्ठले औपचारिक जानकारी दिनुभयो ।
धेरै विरामीलाई आफ्नो स्वास्थ्यको बारे जानकारी समेत नहुदा एक्कासी समस्या पर्ने गरेको हुनाले यसलाई रोकथामका लागि यस्तो अभियान थालनी गर्ने डा. श्रेष्ठले बताउनुभयो ।
विरामी भएपछि मात्र चेकजाँच गर्ने प्रबृत्ति मात्र रहेको हुनाले एक बर्षमा एक पटक अवश्य होलबडि चेकजाँच गरे ढुक्क हुने डा. श्रेष्ठले बताउनुभयो । डाक्टर श्रेष्ठका अनुसार शिविरमा मधुमेह, थाईराईड तथा ग्रन्थी रोगका बिरामीहरुको विशेषज्ञ तथा कन्सल्टेन्ट फिजिसियनद्वारा निशुल्क स्वास्थ्य जाँच अनि परामर्श गरिनेछ ।
शिविरमा डाक्टर पारस श्रेष्ठका अलवा ओम अस्पताल काठमाडौंका मधुमेह, थाइराइड तथा ग्रन्थी रोग विशेषज्ञ डाक्टर बजरंग रौनियारले पनि बिरामीहरुको स्वास्थ्य चेकजाँच गर्नेछन । स्वास्थ चेकजाँचका क्रममा ठूलो रोगमा बिरामी भेटिएको खण्डमा सम्वन्धित रोगका डाक्टर अनि अस्पतालमा रिफर गराइने डाक्टर श्रेष्ठले बताउनुभयो । यस्तै यशोदा इन्द्रेणी डाइग्नोष्टिक प्रालीका संचालक सुर्य बहादुर केसीले यस्तो प्रकारको निशुल्क चेकजाँच गराउन पाउनु नै हामी गर्भ गर्ने बताउनुभयो । प्रालिको बार्षिक उत्सवको अवसर पारेर विभिन्न विरामीलाई निशुल्क परामर्श तथा चेकजाँच गरिने आयोजक गरिएको उहाँले बताउनुभयो ।
शिविर यशोदा फार्मेसी नेपालगन्जको प्राङ्गणमा विहान ८ बजेदेखि अपरान्ह ४ बजेसम्म संचालन हुने बताइएको छ । दैनिक ५० जना विरामीको स्वास्थ्य जाँच गरिने पनि डाक्टर श्रेष्ठले बताउनुभयो । शिविर दाङ, कैलाली, बर्दिया र बाँकेमा गरिने आयोजकले जनाएको छ । उपचार गराउन काठमाण्डौबाट थाइराईड मधुमेह, तथा हर्मोन विशेषज्ञ डा. बंजरंग कुमार रौनियारले चेकजाँच गर्न आउने उहाँले बताउनुभयो ।
Discussion about this post