नवलपुर माघ ८ गते ।
उद्योगपति बिनोद चौधरीले निर्माण गरेको सिजि गल्फ रिट्रिटमा “टेम्पल टाईगर गल्फ टुनामेन्ट(२०२०” हुने भएको छ । चौधरी उद्योग ग्राममा रहेको गल्फ रिट्रिटमा (फेब्रुअरी १) माघ १८ गते खेल हुने भएको हो । बुधवार कावासोतीको टेम्पल टाईगर रिसोर्टमा आयोजित पत्रकार सम्मेलनमा भ्रमणवर्षको अवशरमा खेलको आयोजना गरीएको आयोजकले बताएको छ ।
चितवन र नवलपुरलाई भ्रमण बर्षको अवशरमा नयाँ आयाम थप्ने उदेश्यका साथ टुनामेन्टको आयोजना गरीएको टेम्पल टाईगरका प्रमुख बसन्त राज आचार्यले बताउनुभयो । ३७ खेलाडि सहभागि हुने गल्फ खेलमा काठमाण्डौ, पोखरा, धरान, चितवन र नवलपुरका खेलाडि सहभागि रहने बताईएको छ ।
अन्य पर्यटकले भन्दा २० प्रतिशत बढि रकम गल्फ खेल्ने पर्यटकहरुले खर्च गर्ने हुदा आर्थिक रुपमा यस क्षेत्रको बिकास हुने हेतुले खेलको आयोजना गरीएको छ । खेलका साथ पर्या–पर्यटन भन्ने नाराका साथ आयोजना गरीएको खेलमा ९ जना महिला खेलाडि समेतको सहभागिता रहने गल्फ खेलका कोच क्याप्टेन सुदिर राईले पत्रकार सम्मेलनमा बताउनुभयो । माघ १८ गते हुने गल्फ टुनामेन्ट निशुल्क खेलाईने आयोजकले बताएको छ ।
Discussion about this post