नवलपुर माघ १२ गते ।
आगामी फागुन ५ गतेबाट नवलपुरको मधयविन्दु नगरपालिकामा राईनो संरक्षणगोल्डकप फुटबल प्रतियोगिता–२०७६ हुने भएको छ । आइतवार नन्दभाउजू उपभोक्ता समितिले पत्रकार सम्मेलन गर्दै फुटबल प्रतियोगिताबारे जानकारी गराएको हो ।
पत्रकार सम्मेलनमा बोल्दै समितिका अध्यक्ष दोमनबहादुर भण्डारीले एकसिंगे गैडा संरक्षणका लागि आफ्नो संस्थाले विगतदेखि प्रतियोगिता आयोजना गर्दे आएको बताए । उनले विगत १६ बर्षदेखि सञ्चालन गरिँदै आएको प्रतियोगितालाई नेपाल सरकारको बन तथा भू—संरक्षण मन्त्रालय अन्र्तगतको बन्यजन्तु संरक्षण बिभाग, चितवन राष्ट्रिय निकुञ्ज र मध्यवर्ती क्षेत्र ब्यबस्थापन समिति चितवन, खेलकुद मन्त्रालय अन्तर्गत राष्ट्रिय खेलकुद परिषद्, अखिल नेपाल फुटबल संघ, अन्य सहयोगी संघ संस्थाहरु मध्यबिन्दु नगरपालिकालगायत स्थानीय संघ, संस्था सहभागीता प्रदान गरेको जानकारी दिए ।
खेलकुदको माध्यमबाट युवाहरुमा बन्यजन्तु एंवम वातावरण संरक्षण चेतनाको बिकास र बिस्तार गर्ने, प्रतिभान राष्ट्रिय तथा अन्तर्रा्िष्ट्रय खेलाडीहरु उत्पादन गर्ने, खेलकुद तथा पर्यटनको संरक्षण गरी आन्तरिक बाह्य पर्यटक आकर्षित गर्ने उदेश्यले उक्त प्रतियोगिता आयोजना गर्दे आएको अध्यक्ष भण्डारीले बताए ।
उक्त प्रतियोगीतामा बिभागीय टिम आर्मी, शशस्त्र प्रहरी, नेपाल प्रहरी र अन्य १० टिमहरुको सहभागिता रहनेछ । सहभागी टिममध्ये प्रथम हुनेले रु १० लाख , दोस्रो हुनेले रु ५ लाख , प्रत्येक खेलको उत्कृष्ट खेलाडीलाई रु १० हजार, प्रतियोगीता भरको उत्कृष्ट खेलाडीलाई रु २० हजार र सर्वाधीक गोलकर्ताले रु २० हजार नगद सहित प्रमाणपत्र र शिल्ड प्रदान गरिने जनाइएको छ। खेल उद्घाटन देखि समापन सम्म १ करोड दश लाख बरावरको बजेट आवश्यक पर्ने आयोजकले जनाएको छ ।
Discussion about this post