खड्क सुनार मुगु माघ २५ गते ।
जिल्ला प्रहरी कार्यालय मुगुले चालु आर्थिक वर्षको शुरुका ६ महिनामा मुगुबाट १२ जना लागु औषधका कारोवारीलाई पक्राउ गरेको छ । जिल्लाको विभिन्न क्षेत्रमा लागु औषध ओसारपोसार तथा कारोवारमा संलग्न भएको सुचनाका आधारमा प्रहरीले विभिन्न स्थान बाट पक्राउ गरेको हो ।
पक्राउ पर्नेमा छायानाथ रारा नगरपालिका वडा नं १ बस्ने वर्ष २१ का रविन्द्र मल्ल , छायानाथ रारा नगरपालिका वडा नं १ कै वर्ष २२ कि सन्जु भन्ने हिरा मल्ल , सतबरिया गा.बि.स वडा नं ९ हाल नेपालगंज उपमहानरपालिका वडा नं २२ कार्कीधो बस्ने वर्ष २४ का पुरन महतारा , जुम्ला जिल्ला चन्दननाथ नगरपालिका वडा नं ४ मालाभिड बस्ने वर्ष २९ का उपेन्द्र प्रसाद मल्ल र कनकासुन्दरी गाउपालिका वडा नं ३ घर भई हाल छायानाथ रारा नगरपालिका वडा नं २ न्युरोड स्थित न्यु सोनम गेष्ट हाउस सञ्चालन गरि बस्दै आएका वर्ष ३० का ललित बुढा रहेका छन् ।
जिल्ला प्रहरी कार्यालय मुगुको समुदाय प्रहरी साझेदारीको सम्बन्ध प्रघाट भएर जिल्ला प्रहरी कार्यालय मुगुका खवर अभियान्ताहरु बाट सुचना प्राप्त भए पछि जिल्ला प्रहरी कार्यालय मुगुको सुरक्षा टोलीले स्थानीयका घर , पसल , होटल खान्तलासी गदै जाँदा लागुऔषध ब्राउन सुगर सहित भेटि पक्राउ गरेको जिल्ला प्रहरी कार्यालय मुगुले जनाएको छ ।
उनीहरूमध्ये ललित बुढा बाट ५१ ग्राम , हिरा मल्ल बाट शुन्य १० मिलि ग्राम रविन्द्र मल्ल बाट शुन्य २८ मिलि ग्राम ब्राउन सुगर सहित पक्राउ गरिएको जिल्ला प्रहरी कार्यालय मुगुका प्रहरी नायव उपरिक्षक भुवनेश्वर प्रसाद शाहले जानकारी दिए ।
उनका अनुसार स्थानीयको घर, खुद्रा पसल र होटलमा मदिरा चेकजाँच गर्ने क्रममा लागुऔषध चरेशसहित उनीहरूलाई पक्राउ गरिएको हो । पक्राउ परेका लाई थप अनुसन्धानका लागि जिल्ला प्रहरी कार्यालयमा ल्याइएको र हिरासतमा राखी थप अनुसन्धान भइरहेको डिएसपि शाहको भनाई छ । ति मध्ये छायानाथ रारा नगरपालिका वडा न १ बस्ने वर्ष २७ का जयन्द्र बहादुर शाही मुगु जिल्ला अदालतको आदेशले प्रतिवादी जयन्द्र बहादुर शाही रु १ लाख २० हजार रकमको धरौटिमा छुटेका छन् । शाही साउन २९ गते २ ग्राम २५ मिलिग्राम ब्राउन सुगरमा पक्राउ परेका थिए । त्यस्तै मुगु जिल्ला अदालतको आदेशले प्रतिवादी उपेन्द्र , सुजल बहादुर मल्ल , प्रकाश मल्ल , लोकेन्द्र मल्ल , दल बहादुर वि.क , ललित जंग बि.क क्रमश ः १ लाख , २ हजार , ५ हजार २० हजार र १५ हजारमा उनीहरु धरौटीमा छुटेको प्रहरी नायव उपरिक्षक शाहले जानकारी दिए ।
उनले भने हाल मुगुमा १५ देखि ३० वर्ष उमेर समुहका व्यक्त्तिहरुले लागु औषध तथा ब्राउन सुगर ओसार पोसार गरि प्रयोग पनि गरि रहेको जानकारी दिए । उनले थपे आफ्नो कार्यकाल सम्म मुगु जिल्ला लाई लागु औषध मुक्त जिल्ला बनाउने उनले दावि गर्नुु भयो । अपराधिक घटना र लागूऔषधको कारोवारमा संलग्न व्यक्तिहरुलाई नियन्त्रण लिन समुदायको पनि साथ रहेको प्रहरीले बताएको छ ।
समुदाय प्रहरी साझेदारीले गाँउघर कतै झैझगडा, अस्वभाविक कृयाकलाप र लागूऔषधको कारोवार भएमा स्थानीय समितिका सदस्यहरुले सिँधै नजिकको प्रहरीमा खबर गर्ने भएकाले विभिन्न आपराधिक घटना र लागूऔषधको कारोवारमा संलग्न व्यक्तिहरुलाई नियन्त्रण लिन सहज भएको जिल्ला प्रहरी कार्यलय मुगुले जनाएको छ ।
मुगु जिल्लामा २ सय ७० वटा टोल, वडा , विद्यालय पालिका र जिल्ला स्तरीय समिति गठन भएका छन् । प्रत्येक दिन ति समितिहरुसँग मिलेर नेपाल प्रहरीले केहि न केहि सामुदायिक र जनचेतना मुलक कार्यक्रम गरिरहेको छ । गत साउन यता समुदाय प्रहरी साझेदारी कार्यक्रम अन्तर्गत जिल्ला भरी विभिन्न किसिमका सचेतना कार्यक्रम २४० कार्यक्रमहरु भएका छन् ।
Discussion about this post