खड्क सुनार मुगु फागुन ३ गते ।
मुगु जिल्लाको पुर्विउत्तरी भेगमा पर्ने कार्मारोङ्ग गाउँ पालिकाको १ न वडामा पर्ने हिमालको खोचमा रहेको एक गाउँ चिसोकोे कारण देखाउदै वसाई सरेपछी गाउँनै मानव रहित भएको छ ।
वारीपारी ठुलाठुला हिमाल, विच खोल्सामा वस्ती, जहाँ दिनको तिन घण्टा मात्र वस्तीमा घाम लाग्ने हुदा चिसोको कारण देखाउदै १५ वर्ष देखी स्थानियले गाउँ छाड्दै गएपछी मुगुको उच्च हिमाली बस्तीमा रहेको एउटा गाउँ डेढ दशक देखी मानव रहित भएको हो ।
मुगु जिल्लाको मुगुम कार्मारोङ्ग गाउँपालिकाको १ नं वडा भित्र ७५ घरधुरी रहेको वाङग्री गाउँमा वर्षमा ३ महिना चैत्र, वैशाख,जेठमा घाम लाग्ने गरे पनी उता हिउदका दिनमा भने २ घण्टामात्र गाउँमा घाम लाग्ने साथै हिउँ जमिरहने भए पछी गाउमाँ चिसो अत्याधिक हुने हुदा गाउँमा वस्न कठिनाई झेल्नु परेकाले स्थानिय सिङ्गो गाउँ वासी नै वस्ती सरेर जुम्लाको चौधविस तिर वसाई सरेका हुन ।
पशु चौपायलाई वैशाख,जेठ,अषाढ वाहेयक अन्य महिना पाल्न कठिनाई हुने ,मान्छेलाई पनी चिसोले असर पार्दै जाने भएकाले उक्त गाउँमा भिरालो जमिन र खाद्यन्न उत्पादनमा आलु ,फापर वाहेयक केही नहुने हुदा खाद्यन्न जोहो गर्नकठीनााई झेल्दै आएकाले त्यसवाट स्थानिय वासीले सामान गर्न नसकेपछी वाध्य भएर गाउँ छाडेको स्थानिय वासी उर्गेन लामाले जानकारी दिए ।
,गाउँलेहरुले जाडो छल्नकै लागी गएको २०६० साल बाटै एक,दुई घरधुरी गरेर गाउँ छाड्दै जाँदा हाल आएर गाउँमा स्थानिय शुन्य भएको लामाले भने ।
उक्त वाङग्री गाउँ जिल्ला सदरमुकाम देखी दुई दिन पैदल यात्रामा पुगीने गाउँ हो । गाउँमा रहेको खेती योग्य जमिन वाँझीदै गएको छ भने घरहरु भत्किदै गईरहेका छन ।
वसाई सरेर गएपनी स्थानियहरु चुनावमा मतदान गर्न,जडीवुटी कोर्न, गाउँपालिको वडामा हुने विकास निमार्णको काम सम्पन्न्न गर्न गाउँमा एक महिनाको लागी आफुहरुले आउने गरेको स्थानियले वताए ।
यसै गाउँको वनपाखामा जडीवुटी, तथा खनिज वस्तुको पचुर रुपमा पाईने गर्दछ, साथै वन्यजन्तुको पछिल्लो समयमा वढ्दो चोरी शिकार रहेको छ । गाउँ जान हाल सम्म पुल नहुँदा तुईन र काठे पुलवाट दोल्फु कर्णाली पार गरेर पर्यटक जाने गर्दछन । साथै दोल्फु गाउँ र वाङग्री गाउँको वनपाखाको विचमा तामा खानीका साथै अन्य खनिज तत्व रहेको छ ।
Discussion about this post