बाँके फागुन ३ गते ।
बाँके जिल्लामा रहेका महिला सहकारीहरुको एक दिने भेला शनिवार नेपालगन्जमा सम्पन्न भएको छ ।
महिला उद्यमी उपभोक्ता सहकारी संस्था लिमिटेड जिल्ला कार्य समिति बाँकेको आयोजनामा नेपालगन्जमा एक दिने अन्तरक्रिया कार्यक्रम भएको हो । कार्यक्रमको प्रमुख आतिथ्यता सहकारी बैकका केन्द्रिय सदस्य बिजया धिताल रहनुभएको थियो भने कार्यक्रमको अध्यक्षता महिला उद्यमी उपभोक्ता सहकारी संस्था लिमिटेड जिल्ला कार्य समिति बाँकेका अध्यक्ष उषा थापा भण्डारीले गर्नुभएको थियो । उद्घाटन सत्र कार्यक्रमलाई सम्बोधन गर्दै प्रमुख अतिथि विजया धितालले समृद्ध सहकारी बनाउन हामी व्यवसायीकरण हुन आवश्यक रहेको उहाँले बताउनुभयो । सहकारीले बचत र ऋणको कारोवार मात्र गर्ने भएको हुनाले सहकारी पनि उद्यमीमैत्री नभएको उहाँले जानकारी गराउनुभयो । हामी आफैले शेयर सदस्यको लागि पनि योजना गरेमात्र समृद्धतिर लम्कने उहाँले बताउनुभयो । सहकारीले व्यवसाय गर्ने उद्देश्य बनाएपनि योजना भने नबनाएको उहाँले धारणा राख्नुभयो । समुदायप्रति हाम्रो चासो भनेर मात्र हुदैन यसको बहन र कार्यन्वयन पनि गर्न जरुरी रहेको उहाँले बताउनुभयो ।
सहकारी सस्थाद्धारा उत्पादित बस्तुको बजारीकरण गर्न अति आवश्यक रहेको महिला उद्यमी उपभोक्ता सहकारी संस्था लिमिटेड जिल्ला कार्य समिति बाँकेका अध्यक्ष उषा थापा भण्डारीले बताउनुभयो । उद्यमीलाई उत्पादनमा प्रेरीत गरि भौगोलिक अवस्था अनुसार ब्यवसायी उत्पादनमा जोड दिन उहाँले सहकारीलाई आग्रह गर्नुभयो । व्यवसायीमा आधुनिकरण बिकासको बिषयमा छलफल गर्न अति आवश्यक रहेको उहाँले धारणा राख्नुभयो । एक दिने भेलाले महिला उद्यमी उपभोक्ता सहकारी जिल्ला संघले समिति समेत गठन गरेको छ जसको अध्यक्षमा उषा थापा भन्डारी, उपाध्यक्षमा शुभद्रा शर्मा, सचिबमा सुमन मल्ल, कोषाध्यक्षमा गिता के.सी चयन हुनुभएको छ । यस्तै सदस्यहरुमा तुलसी ज्ञवाली, तिल कु.बिष्ट, सिता वि.क, हेलरी थारू, रामकृष्णी थारू, कल्पना थापा समितिमा रहनुभएको छ । भेलामा बाँकेका १८ वटा सहकारीका महिला उद्यमीहरुको सहभागिता रहेको थियो ।
Discussion about this post