बाँके फागुन ३ गते ।
बर्दियाको ठाकुरबाबा नगरपालिकामा सुरक्षित विपन्न आवास निर्माण सम्बन्धि अन्तरक्रिया कार्यक्रम गरिएको छ ।
ठाकुरबाबा नगरपालिकाको आयोजनामा भएको सुरक्षित विपन्न आवास निर्माण सम्बन्धि अन्नरक्रिया कार्यक्रममा नगरका ९ वटा वडाका स्थानियवासी सहभातिा रहेका थिए । विपन्न समुदायका नागरिकको संरक्षण, उत्थान, सशक्तीकरण र विकासका लागि शिक्षा, स्वास्थ्य, आवास, रोजगारी, खाद्यान्न र सामाजिक सुरक्षामा विशेष अवसर तथा लाभ पाउने हक नेपालको संविधान, २०७२ मा व्यवस्था भए बमोािजम विपन्न घरधुरीहरुलाई सुरक्षित आवासको व्यवस्थाको लागी स्थानीय सरकार संचालन ऐन, २०७४ र ठाकुरबाबा नगरपालिकाको प्रशासकीय कार्य्विधि नियमावली, २०७५ को दफा ३ ले दिएको अधिकार बमोजिम यो कार्व्विधि संचालनमा ल्याएको हो । सुरक्षित विपन्न आवास अनुदान प्राप्त गर्नका लागि नेपाली नागरिकताको प्रतिलिपी, विगतदेखि सो स्थानमा स्थायी बसोबास गर्दै आएको प्रमाण, जग्गाधनी प्रमाणपुर्जा, विजुलीबत्तिको सुविधा शुल्क रसिद, सम्बन्धित वडाले विपन्न परिवार भनि गरेको सिफारिस अनिवार्य हुनुपर्ने ठाकुरबाबा नगरपालिकाका नगरप्रमुख घननारायण श्रेष्ठले बताउनुभयो ।
सम्झौता भए पश्चात लाभग्राहीले नगरपालिकाबाट सिफारिस गरेको बैंकमा खाता खोल्नुपर्ने, सुरक्षित विपन्न आवासका लागि उपलव्ध गराउने अुदान एक घरलाई १ लाख उपलव्ध गराउने, नगरपालिकाले सम्झौताको आधारमा बैंक मार्फत दुई किस्तामा रकम उपलव्ध गराउने नगरप्रमुख श्रेष्ठले बताउनुभयो । नगरपालिका संग भएको सम्झौता बमोजिम नियम पुरा गरेमात्र रकम पाउने नगरपालिकाले जनाएको छ ।
जनताको घरघरमा खुसी छाओस भन्ने उद्देश्यका साथ नगरपालिकाले विपन्न परिवारलाई सुरक्षित आवासको व्यवस्था गर्न लागेको उहाँले बताउनुभयो । जनतले आफ्नो कर्तव्य पुरा गरे चिटिक्क घर निर्माण गरिने उहाँले जिकिर गर्नुभयो । गत सालदेखि सुरु गरेको नगरपालिकाले पहिलो बर्ष ७६ वटा घर निर्माण गरेको जानकारी गराउनुभयो । पहिलेभन्दा यसबर्ष ८१ जनालाई छनोट भै सकेको र यसैबर्ष अझ थप गरि १ सय १ वटा बनाउने लक्ष्य रहेको उहाँले जानकारी गराउनुभयो । जनतालाई १ लाखको सहयोग गर्नु पनि सानो नभएको हुनाले यसबाट लाभ लिन उहाँले आग्रह गर्नुभयो । ठाकुरबाबा नगरपालिकाको संयोजकत्वमा भएको सुरक्षित विपन्न आवास निर्माण सम्बन्धि अन्तरक्रिया कार्यक्रममा उपप्रमुख कृष्णा कुश्मा थारु, वडा नं. १ का वडा अध्यक्ष श्यामलाल थारु, वडा नं. ३ का वडा अध्यक्ष श्रीकृष्ण थारु, राधा चौधरी, निम प्रसाद थारु लगायत सुरक्षित विपन्न आवास निर्माणमा परेका ९ वटै वडाका स्थानियवासीहरुको सहभागिता रहेको थियो ।
Discussion about this post