धनगढी फागुन १० गते ।
राप्रपाका अध्यक्ष कमल थापाले आमुल परिबर्तनको नारा लुटतन्त्रमा सिमित भएको बताएका छन् । उनले अहिलेको देशको ठुलो चुनौती नै भ्रटाचार रहेको बताए ।
शनिबार धनगढीमा आयोजित पत्रकार सम्मेलनमा पुर्ब उपप्रधानमन्त्री समेत रहेका थापाले अहिले लोकतन्त्रको आवरणमा लुटतन्त्र भईरहेको बताए । उनले भने–‘तत्कालिन माओवादीले लडाकुको पैशा भ्रष्टाचार गरि शुरु गरेको भ्रष्टाचारको यात्रा अहिले आएर गोकुल बास्कोटा सम्म पुगेको छ ।’ उनले गोकुल बास्कोटाको प्रकरणमा प्रधानमन्त्रीले तत्काल एक्सन लिएकोमा धन्यबाद दिदै अब अख्तियारले यस प्रकरणमा सुक्ष्म अध्यन सहित दोषिलाई कार्वाही गर्नुपर्ने बताए ।
‘अनियमितता र लुटलाई कायम गर्न कुनै कानुन बाधा भए बहुमतको आधारमा कानुन नै परिबर्तन गर्ने गरेका छन्’ अध्यक्ष थापाले भने–‘भ्रष्टाचारमा प्रमुख प्रतिपक्ष नेपाली काँग्रेसको पनि संलग्नता रहेको छ ।’
उनले भने अहिले संस्थागत नितिगत र ब्यबस्थागत रुपमै भ्रष्टाचार भईरहेको छ, यसलाई रोक्न जनता जाग्ने बेला आएको छ ।
एमसीसी बारे पत्रकारको जिज्ञासामा अध्यक्ष थापाले भने –‘प्राय सबै राजनितिक दलको सहमतिमा तयार पारिएको सम्झौता हो, अहिले सत्तारुढ दलको आपसी बिवादले यो समस्यामा परेको छ, अब यसको सबै जिम्मेवमरी सरकारले लिनुपर्छ ।’ उनले एमसिसी नेपालको हितमा रहेकाले यसमा विवाद गर्नुको कुनै औचित्य नरहेको समेत बताए ।
आफ्नो पार्टी राप्रपाको एजेण्डा हिन्दु राष्ट्र र राजसंस्था सहितको लोकतन्त्र यथावत रहेको उल्लेख गर्दै अध्यक्ष थापाले भने–‘एजेण्डा राम्रो हुदा हुदै पनि संगठन कमजोर रहेकाले बिगतका चुनावमा पराजित भएका हौं, अब संगठन बिस्तारको अभियानमा अघि बढेका छौं ।’ उनले राप्रपाको आगामी महाधिवेसन २०७७ जेठ २५ गते देखि गर्ने निर्णय गरिएको उल्लेख गर्दै त्यो महाधिवेसन संगठन निर्माणको अभियानका रुपमा हुन बताए ।
राप्रपा संयुक्त र राप्रपा पार्टी बिच एकिकरण बारे पत्रकारको जिज्ञासामा अध्यक्ष थापाले आफु सधै एकिकरणको पक्षमा रहेको बताए । उनले भने –‘पशुपती जी र प्रकाश जि तयार भएको दिन एकता हुन्छ, एकताको ढोका खुल्ला छ ।’ आज शनिवार धनगढीमा हुने राप्रपाको प्रदेश स्तरिय कार्यकर्ता प्रशिक्षणका लागि अध्यक्ष थापा धनगढी आएका हुन ।
Discussion about this post