भिम भुसाल, नवलपुर फागुन १० गते ।
अमेरिकी सरकारले नेपाललाई अनुदानको रुपमा प्रदान गर्न लागेको मिलेनियम च्यालेञ्ज कर्पोरेसन (एमसिसि) परियोजना परिमार्जन सहित पारित हुने पूर्व प्रधानमन्त्री एंवम् नेपाल कम्युनिष्ट पार्टी नेकपाका अध्यक्ष पुष्पकमल दाहाद प्रचण्डले दाबी गर्नुभएको छ । आज शनिवार प्रेस संगठन नेपाल नवलपुरले आयोजना गरेको पत्रकार सम्मेलनमा बोल्दै अध्यक्ष प्रचण्डले एमसिसि पारित हुने ठोकुवा दिनुभएको हो ।
हिजो मात्रै एमसिसि अध्ययन कार्यदलले प्रधानमन्त्री केपि ओलि सहित आफूँलाई एमसिसि प्रतिवेदन बुझाएको जानकारी दिदै अध्यक्ष प्रचण्डले परिमार्जन सहित पारित गर्ने सुझाव आएको बताउनुभयो ।
एमसिसि परियोजना दुई पटक संसोधन भैसकेको जानकारी गराउदै अध्यक्ष प्रचण्डले अझै पनि आवश्यक पर्ने देखिए संसोधन गर्ने र राष्ट्रहितमा हुने किशिमले नै पारित गरिने बताउनुभयो । साथै नेकपा अध्यक्ष प्रचण्डले विप्लव समुहलाई प्रतिवन्ध गर्दैमा आत्तककारी घोणणा गरि नसकिएको जानकारी दिनुभयो । विप्लवहरुपनि संघिय लोकतान्त्रीक गणतन्त्र अन्र्तगत सम्बादको आधारमा शान्ति प्रकृयामा आउन र समाजबादको आधार तयार पार्न समेत आग्रह गर्नुभएको छ ।
विप्लव समुह ढिलो चाँडो राजनैतिक मुलधारमा आउने विश्वास समेत लिएको अध्यक्ष प्रचण्डको भनाई छ । नेपाल कम्युनिष्ट पार्टीको एकता प्रकृया समेत तल्लो तह सम्म सहज रुपमा टुङ्गिएको दाबी गर्दै अध्यक्ष प्रचण्डले घोषणा मात्रै गर्न बाँकि रहेको बताउनुभयो ।
नवलपुरको देवचुली १६ मा रहेको सामुदायिक प्राकृतिक चिकित्सालयको नवनिर्मित भवनको समुद्घाटन गर्न नवलपुर आउनुभएका पूर्व प्रधानमन्त्रि एंवम् नेकपा अध्यक्ष पुष्पकमल दाहाद प्रचण्डले सामुदायिक प्राकृतिक चिकित्सालयको श्यामकृष्ण स्मृति भवनकोे समुद्घाटन गर्नुभएको थियो भने सामुदायिक प्राकृतिक चिकित्सालयको संक्षिप्त चिनारी नामक पुस्तकको समेत बिमोचन गर्नुभएको छ ।
Discussion about this post