बाँके कोहलपुर फागुन २० गते । बाँकेको कोहलपुर १० मा रहेको त्रिभुवन नमूना माविमा रहेका दृष्टिविहिन बालबालिकाहरुसँग संगिता सुवेदीले जन्मदिन मनाएकी छिन् । कोहलपुर उद्योग वाणिज्य संघकी सदस्य संगिता सुवेदीले आफ्नो जन्मदिनको अवसरमा पारी विद्यालयमा रहेका दृष्टिविहिन बालबालिकाहरुसँग केक काट्ेर जन्मदिन मनाएकी छिन् । जन्मदिनको अवसरमा उनले हरेक वर्ष विद्यालयका बालबालिकासँगै केक काटेर मनाउँदै आएको बताएकी छिन् ।
उनले बालबालिकाहरुलाई साँझको खाना, फलफुल, जेरी लगायतका खानाका परिकार खुवाएर बालबालिकासँगै जन्मदिन मनाएकी छिन् । बालबालिकाहरुसँग जन्मदिन मनाउन पाउँदा आफ्नै परिवारका सदस्य जस्तो लागेको बताएँदै जन्मदिनको अवसरमा गरिने अनावश्यक खर्च कटाएर बालबालिकाहरुसँगै जन्मदिन मनाउन सबैलाई आग्रह गरेकी छिन् । सो अवसरमा सुवेदीका बुवा आमा र बालबालिकाहरुले जन्मदिनको शुभकामना दिएका थिए ।
Discussion about this post