जनक साउद, बैतडी फागुन २५ गते । दशरथचन्द राजमार्ग अन्तर्गत बैतडीको पाटनमा आइतवार बिहान जिप दुर्घटना हुँदा चालकको घटनास्थलमै मृत्यु भएको छ । दुर्घटनामा ६ जना घाइते भएका छन् ।
मृत्यु हुनेमा दार्चुलाको दुहु गाउँपालिकाका ३५ बर्षीय धनसिंह बडाल रहेका बैतडीका प्रहरी प्रमुख, प्रहरी नायव उपरिक्षक डिल्लीनारायण पाण्डेयले जानकारी दिनुभयो ।
घाइते हुनेहरुमा दार्चुला दुहु ४ कै २३ बर्षीय सुरेन्द्र बम, ३८ बर्षीय हरक सिंह बडाल, ४१ बर्षीय प्रेम बल्लब जोशी , ४१ बर्षीय धन राज जोशी , २० बर्षीय हेमन्ती बम र २२ बर्षीय द्रोपती जोशी रहेका छन् । घाइतेमध्ये ४ जनाको अवस्था गम्भीर रहेको छ । सुरेन्द्र, हरक,प्रेम र धनराजको अवस्था गम्भीर रहेको प्रहरीले जनाएको छ ।
घाइतेहरुको जिल्लामा उपचार हुन नसक्दा अन्यत्र रेफरको तयारी भएकोे जिल्ला प्रहरी कार्यालय बैतडीले जनाएको छ ।
धनगढीवाट दार्चुला जादैं गरेको अनटेष्ट (१२५७) जिप आइतवार बिहान २ बजे दशरथचन्द राजमार्ग अन्र्तगत बैतडीको पाटन नगरपालिका ६ पनतोलीमा दुर्घटनामा परेको हो ।
जिप सडकबाट २५० मिटर तल खसेको छ । दुर्घटनाको कारण खुलेको छैन् ।
Discussion about this post