काठमाडौ बैशाख ५ गते । सर्वोच्च अदालतले पैदलै घर हिडेकालाई सुरक्षित रुपमा उनीहरुको घरसम्मै पुग्ने व्यवस्था गर्न सरकारलाई आदेश दिएको छ । शुक्रबार न्यायाधीश डा. आनन्दमोहन भट्टराई र सपना प्रधान मल्लको संयुक्त इजलासले लकडाउनका कारण समस्यामा परेकाहरुलाई सुरक्षित रुपमा निःशुल्क घर वा गन्तव्यसम्म पु¥याउन सरकारलाई अन्तरिम आदेश दिएको हो । सर्वोच्चले पैदले घर हिडेका, घर जान नपाएर अलपत्र परेका र लकडाउनका बेला घर जाने खोजिरहेकालाई निःशुल्क रुपमा गन्तव्यसम्म पुग्ने गरी तत्कालै व्यवस्थापन गर्न सरकारलाई आदेश दिएको हो । लकडाउन थपिएपछि खान र पैसाको अभावका कारण धेरै मानिस हप्तौ लगाएर घर हिडेपछि सामाजिक सञ्जालमा चर्को विरोध र सरकारको आलोचना भइरहेको छ ।
मजदुरको हकहितमा सरकारले ध्यान नदिएको भन्दै वरिष्ठ अधिवक्ता प्रकाशमणी शर्माले सर्वोच्च अदालतमा रिट निवेदन दर्ता गराएका थिए । यसअघि पनि सर्वोच्चले घर जान चाहनेलाई तत्काल जाने व्यवस्था गर्न आदेश दिएको थियो ।
Discussion about this post