काठमाडौ बैशाख १८ गते । औषधि नखाएरै १० लाख मानिसले कोरोना भाइरसँगको लडाई जितेका छन । कोरोना भाइरसबाट संक्रमित भएर घर तथा अस्पतालमा उपचार गराएका १० लाख मानिस निको भएर घर फर्किएका अन्तराष्ट्रिय सञ्चारमाध्यमले जनाएका छन ।
कोरोना जितेर घर फर्किनेमा सबैभन्दा धेरै अमेरिकामा छन । अमेरिकामा १ लाख ४७ हजार मानिस कोरोना जितेर घर फर्किएका छन । सबैभन्दा धेरै साढे १० लाख संक्रमित भएको अमेरिकामा झण्डै डेढ लाख मानिस घर फर्किएका हुन ।यस्तै स्पेनमा १ लाख ३२ हजार मानिस घर फर्किएका छन । स्पेनमा ३ लाख ३२ हजार मानिस संक्रमित हुँदा १ लाख बढी मानिस सञ्चो भएर घर फर्किसकेका छन ।
यस्तै जर्मनीमा १ लाख २० हजार मानिस उपचारपछि घर फर्किएका छन ।जर्मनीका साढे १ लाख संक्रमित हुँदा १ लाख २० हजार घर फर्किएका छन । अहिलेसम्म ६ हजार मानिसको मृत्यु भएको छ । यस्तै चीनका ७७ हजार, इरानका ७३ हजार र इटालीमा ७१ हजार मानिस उपचारपछि घर फर्किएका छन ।
यस्तै फ्रान्समा ४८ हजार, टर्कीमा ४४ हजार र ब्राजिलमा ३४ हजार मानिस उपचारपघि घर फर्किएका छन । नेपालमा अहिलेसम्म ५७ जना संक्रमित हुँदा १६ जना उपचारपछि घर फर्किएका छन ।
Discussion about this post