बाँके बैशाख १८ गते ।
कोरोना महामारी नियन्त्रण लगायत कार्यलाई निरन्तर बनाउन नेपालगञ्ज उपमहानगरपालिकामा डिसइन्फेक्टेड टनेलको व्यवस्थापन गरिएको छ ।
कोरोना भाइरसको प्रभाव कम गरी कर्मचारीलाई सहज तथा सजकताका साथ काम गर्नका लागि उपमहानगरपालिकामा डिसइन्फेक्टेड टनेलको व्यवस्था गरिएको हो । उपमहानगरपालिकाका कर्मचारी लगायत बिभिन्न कामले पुग्ने व्यक्तिहरु सोही टनेल भएर कार्यालयमा प्रबेश गर्ने गरेका छन् । टनेल भएर प्रबेश गर्ने व्यक्तिहरुलाई सेन्सरको सहयाताले पुरै शरीर स्यानिटाइज्ड गरिन्छ ।
बिश्वव्यवापी रुपमा कोरोना भाइरसको संक्रमण बढेदै गएपछि सबैतिर यसको नियन्त्रण तथा रोकथामको प्रयास जारी छ । नेपालगञ्जका सर्वसाधारण र कार्यालयहरुमा पनि नियन्त्रण तथा रोकथामका उपायहरु अवलम्बन गरिएको छ ।
कोरोना महामारीका बेला कर्मचारी तथा जनप्रतिनिधिहरु प्रत्यक्ष रुपमा पिल्डमा खटिने हुँदा उपमहानगरपालिका कार्यालयमा यस्तो टनेल राखिएको बताइन्छ । टनेलको व्यवस्था भने नेपालगञ्जस्थित बागवान जर्नल सप्लायर्सले गरेको छ । सप्लायर्सले डिसइन्फेक्टेड टनेल संचालन गर्नेसम्मको व्यवस्थापन गरेको हो ।
टनेललाई सप्लायर्सका प्रमुख मोहम्मद हनिफ वागवानले आफैले निर्माण गर्नुभएको छ । करिब ४० हजार खर्चमा निर्माण गरेर प्रदान गरिएको वागवानले जानकारी दिनुभयो । उहाँका अनुसार टनेल संचालनका लागि सेन्सी नोवा कम्पनीको सेन्सर जडान गरिएको छ । डिसइन्फेक्टेड टनेलका लागि आवश्यक औषधी भने उपमहानगरले व्यवस्थापन गरेको छ ।
Discussion about this post