काठमाडौं बैशाख २४ गते ।
लकडाउन लम्ब्याउनेबारे मन्त्रिपरिषद बैठकमा छलफल चलिरहेको छ । केहीबेरअघिदेखि बालुवाटारमा शुरु भएको बैठकले लकडाउन थप एक हप्ता बढाउनेबारे निर्णय गर्न लागेको एक मन्त्रीले जानकारी दिए ।
यसअघि कोरोना रोकथाम तथा नियन्त्रण उच्चस्तरीय समन्वय समितिले लकडाउन जारी राख्न सरकारलाई सुझाव दिएको थियो । समितिको सुझावअनुसार कम्तिमा एक साता लकडाउन बढाउने तयारी छ ।
कोरोना रोकथाम तथा नियन्त्रणका लागि सरकारले गत चैत ११ गतेदेखि लकडाउन गरेको छ । लकडाउनको समयअवधि यही वैशाख २५ गतेसम्म छ । चैत ११ गतेदेखि जारी लकडाउनको झण्डै दुई महिना पुग्न लागेको छ ।
अहिलेसम्म ८२ जनामा संक्रमण पुष्टि भएको छ भने २० जना उपचारपछि घर फर्किएका छन ।
ADVERTISEMENT
Discussion about this post