अमन अन्सारी
बाँके, साउन २६ गते । धार्मिक सद्भाव समिती, ओमकार परिवार द्वारा आइतबार नेपालगञ्जको त्रिवेणी मोडमा बोलबम काँवरिया भक्तजनहरुलाई भव्य कार्यक्रमको आयोजना गरी सम्मान गरिएको छ ।
कार्यक्रममा प्रसाद वितरण तथा विभिन्न मन्दिरबाट आएका र्यालीका प्रमुखमहानुभावहरुलाई बागेरेश्वरी मन्दिरको प्रमुख महन्त चन्द्रनाथ योगी ज्यूले प्रमाण पत्रदुवारा सम्मान गरिएका कुरा धार्मिक सद्भाव समितिका संयोजक दीपक लोधले जनाएका छन् ।
कावँरिया र्याली बाँके गाउँको पशुपतिनाथ मन्दिरबाट शुरु भई आज राती राप्ती नदीको छेउमा बसी भजन किर्तन गर्ने छन् । भोली बिहानै साउनको अन्तिम सोमवारका दिन राप्ती नदीको जल ल्याई बागेश्वरी मन्दिरमा चढाउने कार्यक्रम रहेको कार्यक्रम संयोजक दीपक लोधले बताएका छन् ।
सम्मान कार्यक्रममा नेपाली सेनाका प्रमुख, प्रशासन प्रमुख, प्रहरी प्रमुख, सशस्त्र प्रहरी प्रमुख, पत्रकार, विभिन्न समुदायका अगुवाका साथै मुस्लिम समुदायका अगुवाहरुको पनि विशेष उपस्थिति रहेको थियो ।
कार्यक्रममा सहभागिता जनाएर कार्यक्रमलाई भव्य सम्पन्न गराउन सहयोग पुर्याउने धार्मिक सद्भावको शहर नेपालगञ्जलाई नमूनाको रुपमा चिनाउन सहयोग गर्ने धार्मिक सद्भाव समितिका स्वयंसेवक, पदाधिकारी, धार्मिक अगुवा तथा प्रशासनलाई कार्यक्रमका संयोजक दीपक लोधले धन्यवाद ज्ञापन गरेका छन् ।
Discussion about this post