काठमाडौ बैशाख २९ गते ।
कोरोना भाइरसबाट ज्यान गुमाउनेको संख्या २ लाख ८३ हजार नाघेको छ । यो समाचार तयार पार्दासम्म कोरोनाले २ लाख ८३ हजार ८ सय ६८ जनाको ज्यान गएको अन्तराष्ट्रिय समाचार एजेन्सीले बताएका छन । अहिलेसम्म झण्डै ४२ लाख संक्रमित छन भने झण्डै १५ लाख उपचारपछि निको भएर घर फर्किएका छन ।
कोरोनाले सबैभन्दा धेरै अमेरिकामा ८० हजार मानिसको ज्यान गएको छ भने साढे १३ लाख मानिस संक्रमित छन । यस्तै बेलायतमा ३१ हजारको ज्यान जाँदा २ लाख १९ हजार मानिस संक्रमित छन । इटालीमा ३० हजार मानिसको ज्यान गएको छ । २ लाख १९ हजार बढी संक्रमित छन । स्पेन र फ्रान्समा समान २६ हजार मानिसको कोरोनाले मृत्यु भएको छ ।
यस्तै ब्राजिलमा अहिलेसम्म ११ हजार मानिसले ज्यान गुमाइसकेका छन । रुसमा संक्रमितको संख्या २ लाख ९ हजार पुगेको छ । १९ सय १५ जनाको ज्यान गएको छ । फ्रान्समा १ लाख ७६ हजार, जर्मनीमा १ लाख ७१ हजार, ब्राजिलमा १ लाख ६२ हजार, टर्कीमा १ लाख ३८ हजार संक्रमित रहेका अन्तराष्ट्रिय समाचार एजेन्सीले बताएका छन ।
यस्तै इरानमा १ लाख ७ हजार संक्रमित हुँदा साढे ६ हजार मानिसको ज्यान गएको छ । यस्तै चीनमा ८२ हजार, क्यानडामा ६८ हजार, पेरुमा ६७ हजार मानिस संक्रमित भएका छन । छिमेकी देश भारतमा पनि संक्रमितको संख्या ६७ हजार नाघेको छ । अहिलेसम्म २ हजार २ सय १२ जनाको ज्यान गएको छ ।
नेपालमा अहिलेसम्म १ सय २० जना कोरोना संक्रमित छन । ३३ जना उपचारपछि निको भएर घर फर्किसकेका छन । तर तीन जनामा फेरि संक्रमण देखिएपछि अस्पताल भर्ना गरिएको छ ।
Discussion about this post