सरला सुबेदी
बाँके जेठ ९ गते ।
बिश्वव्यापी रुपमा फैलिएको कोरोना सन्क्रमित संख्या दिनप्रतिदिन बढे सङ्गै निको हुनेको संख्या पनि बढीरहेको छ ।बाँके जिल्लामै पहिलो संक्रमण देखापरेका एकजना धर्मगुरु सहित २१ जनाले कोरोना संक्रमणलाई पराजित गर्न सफल भएका छन् ।
कोरोना संक्रमण पुष्टि भएपछि खजुरास्थित क्यान्सर अस्पतालमा रहेको आइसोलेसनमा उपचारार्थ रहेका ६० वर्षीय मो.अज्जीन सहित २१ जना संक्रमितहरुले कोरोनालाई पराजित गरि घर आज शुक्रबार फर्किन लागेका हुन् ।
आइसोलेसन अस्पतालका प्रमुख डा. प्रकाश बहादुर थापाले २४ घण्टाभित्र गरिउको दोस्रो पटकको पिसिआर परीक्षणमा पनि रिपोर्ट नेगेटिभ आएका २१ जनालाई आज औपचारिक रुपले फुलमाला लगाएरै विदा गरिने बताए । डा. थापाका अनुसार, खजुरामामात्र बाँके र बर्दियाका २८ जना उपचारार्थ छन् ।
पछिल्लो समय सन्क्रमित व्यक्तिलाई लिएर विभिन्न खाले घटना बाहिरिए सङ्गै कोरोना संक्रमण भएका व्यक्तिहरु पनि उपचार पाए पछि निको हुने भएको र यस्ता व्यक्तिको मनोबल गिराउने कुनै पनि कार्य नगरिकन उनिहरुलाइ समाज अनि घरपरिवारमा घोच पेच नगरी माया प्रेमका साथ स्वीकार गर्न आइसोलेसन अस्पतालका प्रमुख डाक्टर थापाले अनुरोध गरेका छन् ।
Discussion about this post