काठमाडौं जेठ ९ गते ।
विश्वभर कोरोना संक्रमितको संख्या ५० लाख ९७ हजार ९ सय ४४ पुगेको छ। जोन हप्किन्स विश्वविद्यालयले प्रकाशित गरेको शुक्रबार बिहानसम्मको तथ्यांक अनुसार अमेरिकामा सर्वाधिक १५ लाख ७६ हजार ५ सय ४२ जनामा संक्रमण पुष्टि भएको छ।
त्यस्तै, रुसमा ३ लाख १७ हजार ५ सय ५४, ब्राजिलमा ३ लाख १० हजार ८७, बेलायतमा २ लाख ५२ हजार २ सय ४६, स्पेनमा २ लाख ३३ हजार ३७, इटालीमा २ लाख २८ हजार ६, फ्रान्समा १ लाख ८१ हजार ९ सय ५१ जनामा संक्रमण पुष्टि भएको छ ।
छिमेकी मुलुक भारतमा १ लाख १८ हजार २ सय २६ जनामा संक्रमण पुष्टि भएको छ। सर्वाधिक संक्रमण देखिएका देशको सूचीमा भारत ११औं स्थानमा छ।विश्वभर ३ लाख ३२ हजार ४ सय २५ जनाको संक्रमणपछि मृत्यु भएको छ।
मृत्यु हुनेको संख्या पनि अमेरिकामा नै सर्वाधिक छ। त्यहाँ ९४ हजार ६ सय ६१ जनाको मृत्यु भइसकेको छ। त्यस्तै, बेलायतमा ३६ हजार १ सय २४, इटालीमा ३२ हजार ४ सय ८६, फ्रान्समा २८ हजार २ सय १८, स्पेनमा २७ हजार ९ सय ४०, ब्राजिलमा २० हजार ४७ जनाको मृत्यु भएको छ।
Discussion about this post