विष्णु अधिकारी
बर्दिया जेठ १३ गते ।
बर्दियाको गुलरियामा ३ जना नयाँ कारोना संक्रमित पुष्टि भएसँगै स्वास्थ्यकर्मीलाई पनि क्वारेन्टिनमा राखिएको छ । जिल्ला अस्पताल बर्दियामा कार्यरत १४ जना स्वास्थ्यकर्मीलाई क्वारेन्टिनमा र ६ जना होम क्वारिन्टिनमा रहेको जिल्ला अस्पताल बर्दिया मेडिकल सुपरिटेन्डेन्ट सुभाष पाण्डे बताए ।
जिल्ला अस्पताल बर्दियाका २० जना स्वास्थ्यकर्मी क्वारिन्टिनमा बसेसँगै अस्पतालले दिने सेवा प्रभावित भएको जिल्ला अस्पतालका मे.सु. पाण्डेले जानकारी दिएका छन् । पाण्डेले हाल इमरजेन्सीबाट स्वास्थ्य सेवा संचालन गरिएको बताएका छन् ।
गुलरिया नगरपालिका वडा नं. १ को क्वारिन्टाइनमा बसेका १८ बर्षिय पृुरुषलाई ज्वरो अएपछि जिल्ला अस्पताल बर्दियामा भर्ना गरिएको थियो । उनको रिपोर्ट पोजेटिभ आएपछि उनको सम्पर्कमा आएका स्वास्थ्यकर्मी क्वारिन्टिनमा बसेका हुन । जिल्ला अस्पतालमा भर्ना भएका विरामी र स्वास्थ्यकर्मीको स्वाब परिक्षण गरिने जिल्ला अस्पताल बर्दियाले जनाएको छ ।
स्वाब परिक्षण रिपोर्ट नेगेटिभ आएपछि मात्र अस्पतालको अन्य सेवा सृुचारु हुने अस्पाल प्रमुख पाण्डेले बताएका छन् । सोमबार स्वास्थ्य मन्त्रालयको जारी प्रेस विज्ञप्तीमा गुलरिया नगरपालिका वडा नं. १० का २२ र २५ बर्षिय पुरुष र वडा नं. १ का १८ बर्षिय पुरुषमा कारोना संक्रमणको पुष्टि भएको थियो ।
यसै क्रममा गुलरिया नगरपालिका वडा नं. १० को श्री नेपाल राष्ट्रिय माध्यमिक विद्यालय, प्रयागपुरमा रहेको क्वारेन्टिनमा २ जना भारतको मुम्बईबाट आएर बसेको वडाध्यक्ष विरेन्द्र कुमार थारुले बताए । उनीहरु जेठ महिनाको २ र ५ गते नेपालमा आएका हुन ।
गुलरिया नगरपालिका वडा नं. १ का १८ बर्षिय पुरुष भारतको बैंगलोरबाट आई गुलरिया १ मा रहेको श्री शम्भु शरण माध्यमिक विद्यालयको क्वारेन्टिनमा बसेका थिए ।
कोराना संक्रमितको संख्या बढेको सँगै गुलरिया नगरपालिकामा ४, बासगढी नगरपालिकामा १, राजापुर नगरपालिकामा १ र बढैयाताल गाउँपालिकामा १ जना गरी जम्मा ७ जनामा कोरोना पुष्टि भएको छ । खुला सीमानाका कारण आवागमन भएको र परिक्षणको दायरा बढेसँगै कोरोना संक्रमितको संख्या बढेको हो ।
संक्रमितहरुको सम्पर्कमा आएका व्यक्तिहरुको स्वाब नमुना पठाईने जिल्ला स्वास्थ्य कार्यालय बर्दियाले जानकारी गराएको छ ।
Discussion about this post