बाँके जेठ २० गते ।
काठमाडौमा चिकित्सकमाथि हातपात गरिएको भन्दै कोहलपुरमा डाक्टरहरुले बिरोध जनाएका छन।काठमाण्डौंको जोरपाटी स्थित नेपाल मेडिकल कलेज एक महिलाको उपचारका क्रममा मृत्यु भएको घटनालाई लिएर चिकित्सकमाथि हातपात भएको थियो । घटनामा संलग्न दोषीउपर कानुनी कार्वाहीको माग गर्दै कोहलपुरका डाक्टरहरुले विरोध जनाएका हुन।
कोहलपुरमा मंगलबार भएको विरोध सभामा बोल्दै नेपालगञ्ज मेडिकल कलेज शिक्षण अस्पतालका डाक्टर दिनेश श्रेष्ठले अहिलेको अवस्थामा ज्यानको बाजी लगाएर अग्रपंतिममा खटिरहेका चिकित्सकमाथि हातपात हुनु दुखद भएको बताए। डाक्टर माथि हातपात हुँदासमेत सरकारले दोषीलाई कारवाही नगरेको भन्दै दाषीदाई कारवाही गर्न माग समेत गरेका छन् ।
मेडिकल कलेज कोहलपुरका मेडिकल अधिकृत डाक्टर देवेन्द्र आचार्यले डाक्टरले जहिले पनि बिरामीलाई सन्चो बनाउन लागिपर्ने भन्दै विभिन्न बाहानामा डाक्टरमाथी हमला हुनु निन्दनीय रहेको बताए। उनले उनले स्थानिय सरकार समेतको मिलेमतोमा दोषिलाई कारवाहि नगरिएको आरोप लगाए ।
कार्यक्रममा बोल्दै डाक्टर होमनाथ अधिकारीले राज्यले डाक्टरहरुलाई सुरक्षा गर्न नसकिरहेको बताउँदै डाक्टर र स्वास्थ्य कर्मीलाई सहज रुपमा सेवा गर्न सक्ने वातावारण राज्यले निर्माण गर्नुपर्ने बताएका छन् । चिकित्सकहरुले आज हातमा कालो पट्टि बाधेर बिरोध जनाएका थिए।
दोषिलाई कारबाही नभए ओपिडी सेवा बन्द गर्न सक्ने सम्मका आन्दोलनका कार्यक्रम तय हुनसक्ने डाक्टरहरुले चेतावनी दिएका छन। उनीहरुले यस्तो अमानवीय र अक्षम्य घटना घटाउनेमाथी कानूनी कारवाही नगरिएको खण्डमा यसले देशभरको समग्र स्वास्थ्यसेवा प्रवाहलाई गम्भिर असर पार्ने सक्ने तर्फ सचेत रहन विरोध सहित चेतावनी दिएका छन् ।
Discussion about this post