यस वर्षको नीति गाउँको समृद्धि र युवा रोजगार विशेष केन्द्रित हुने

बाँके असार ८ गते ।
बाँकेको जानकी गाउँपालिकाको गाउँ सभा आजबाट सुरु हुने भएको छ । आजबाट सुरु हुने गाउँ सभामा आर्थिक वर्ष ०७७–०७८ को नीति कार्यक्रम र बजेट पारित गर्ने छ ।

गाउँ सभा सोमबार विहान ११ बजेबाट सुरु हुने छ । गाउँ सभामा पहिलो दिन आगमी वर्षको लागि नीति तथा कार्यक्रम प्रस्तुत हुने छ । गाउँपालिका अध्यक्ष रामनिवास यादवले यस वर्षको नीति गाउँको समृद्धि र युवा रोजगार विशेष केन्द्रित हुने बताएका छन् ।

गाउँ पालिकाको नीति तथा कार्यक्रमलाई सबैको अपनत्व बनाउनका लागि सबै राजनीतिक दल र पूर्व जनप्रतिनिधिको सल्लाह सुझाव समेत समावेस गरिएको अध्यक्ष यादवले बताएका छन् । गाउँपालिका भित्र विश्व महामारी कोभिड १९ रोकथाम तथा संक्रमण नियन्त्रणका लागि हाल सम्म ४ सय १४ जनालाई क्वारेन्टाइन सेवा दिइएको छ ।

प्रदेश र संघीय सरकारले अवलम्बन गरेका नीति समेतलाई आधार बनाउदै यस वर्ष नीति कोभिड पीडित र प्रभावितलाई केन्द्रित रहेर नीति ल्याउने अध्यक्ष यादवले जानकारी दिए। आगमी वर्ष गाउँपालिकाले लिएका नीति र विनियोजित बजेटलाई पूर्ण रुपमा समयमै कार्यान्वयनका लागि आवश्यक पर्ने नीति अवलम्बन गरिने उनले बताए।