खोजखबर संवाददाता
बाँके भदौं ४ गते । स्थानिय वडा नं. ४ का वडाबासीहरुले नेपालगन्ज उपमहानगरपालिकाका मेयर डा. धवल सम्सेर राणा र वडा अध्यक्ष सफिक बेहनाको व्यापक
विरोध गरेका छन् । करिब दुुई दर्जन बढी वडाबासीले पत्रकारलाई बोलाएर मेयर राणा र वडा अध्यक्ष बेहनाले विकासको नाममा अहिलेसम्म गरेको मनपरीतन्त्रको पर्दाफास गर्दै चर्को आलोचना गरेका छन् । वडाबासीले वडा अध्यक्ष बेहनाले हरेक उपभोक्ता समितिमा आफ्नो श्रीमतीलाई कोषाध्यक्ष नियुक्त गर्नेदेखि महिला वडा सदस्य इन्दिरा शाहीले आफ्नो श्रीमानलाई विभिन्न समितिमा राख्न दबाव सृजना गरी जबरजस्ती गर्ने गरेको आरोप समेत लगाएका छन् । बसपार्क समितिमा पनि वडाको मान्छेलाई नराखी आफ्नो मान्छेलाई वडा नं. १ बाट ल्याई संयोजकको जिम्मा दिइनुको साथै वडा अध्यक्ष बेहनाले आफ्नो श्रीमतीलाई कोषाध्यक्षमा नियुक्त गरिएको वडाबासीले आरोप लगाएका छन् । बसपार्क व्यवस्थापन गर्नको लागि उपमहानगरपालिकाले ३५ लाख रकम बजेट दिएको कारणले चलखेल भइरहेेेको वडा बासीहरुले आरोप लगाएका छन् ।
यसैगरी वडाबासी महिलाहरुले मेयर राणा र वडा अध्यक्ष बेहनाले जबरजस्ती सल्यानीबागस्थित विद्यालय निर्माण गरेको गुनासो समेत गरे । ‘एक तले स्कुल निर्माण भएको करिब ५० वर्षभन्दा बढी भयो, पिलर नभएको स्कुलमा अर्को तल्ला जबरजस्ती थपिएको छ, भोलि केही दुर्घटना भयो भन्ने प्रश्न गर्दा मेयर राणाले नगरपालिकाले जिम्मा लिन्छ भन्ने ठाडो जवाफ दिनुको साथै जबरजस्ती स्कुलको माथिल्लो तला थपिएको छ । यसैगरी अन्य वडाबासीले गंजिदै भने ‘अरुको घर भत्काउने र वडा सदस्य इन्दिरा शाहीको घर भत्काउने पालो आएपछि वडा अध्यक्ष बेहना कति ढिला सुस्ती गरेका छन । यसैगरी बसपार्क क्षेत्रको कुनै पनि पोलहरुमा वडा अध्यक्ष बेहनाले लाइट नलगाउनुको साथै वडाबासीहरुको अनुरोधमा ग्राभेल राख्ने बेला आफ्नो मान्छेहरुको मात्र राखेको गुनासो समेत गरेका थिए । मेयर राणा र वडा अध्यक्ष बेहनाको यस्तै रवैया रहेेभने भोलिका दिनमा कुनै पनि हालतमा अगाडि नआउने र हराएर जाने समेत वडाबासीले आक्रोश पोखेका थिए ।
राष्ट्रियखबर डट कमबाट : साभार
Discussion about this post