बाँके असार १२ गते ।
बाँके जिल्लामा अहिले सम्म ६ हजार ७ सय ५ जनाको पिसिआर बिधिबाट कोरोना भाइरस कोभिड १९) परिक्षणकालागि स्वाबको नमुना जाँच गरिएको छ ।
जिल्ला स्वास्थ्य कार्यालय बाँकेका अनुसार, जिल्लाका हालसम्म परिक्षण गरिएका ६ हजार ७ सय ५ जनाको स्वाबको नमुना मध्ये ३ सय ५० जनामा कोरोना पोजेटिभ देखिएको छ ।
नेपालगन्ज उपमहानगरपालिकामा १८३१ को जाँच गरिएकोमा ४० जनामा, कोहलपुर नगरपालिकामा ५०२ को जाँच गरिएकोमा ७ जनामा, खजुरा गाउँपालिकामा ६०४ को जाँच गरिएकोमा ३१ जनामा, जानकी गाउँपालिकामा २६८ जनामा ४२ जनामा, बैजनाथ गाउँपालिकामा २८४ को जाँच गरिएकोमा ३१ जनामा कोरोना संक्रमण पाइएको स्वास्थ्य कार्यालय बाँकेले जनाएको छ ।
त्यसैगरी, डुडुवामा १९४ मध्ये २७, नरैनापुरमा ११४७ मध्ये ११९, राप्तिसोनारीमा ११०३ मध्ये ५३ जनामा कोरोना पुष्टि भएको छ ।
बाँके स्वास्थ्य कार्यालयको तथ्यांक अनुसार, भेरी अस्पतालबाट ४९२, नेपालगन्ज मेडिकल कलेजबाट १६९ र नेपाल आर्मी अस्पतालबाट १११ जनाको स्वाब संकलन गरि परिक्षण गरिएता पनि ती मध्ये कसैलाई पनि कोरोना पोजेटिभ देखिएको छैन ।
त्यसैगरी, हालसम्म जिल्लामा ८०९८ जनाको आरडिटी बिधिबाट कोरोना जाँच गरिएको स्वास्थ्य कार्यालयको तथ्यांकमा छ । जसमध्ये, ३३३ जनामा पोजेटिभ देखिएको जनाइएको छ ।
बाँके जिल्लाका ८ वटा स्थानिय तहले निर्माण गरेका ११३ क्वारेन्टाइन र नेपाल आर्मीको १ गरी ११४ क्वारेन्टाइनमा हाल १९३ महिला र ८०८ पुरुष गरी जम्मा १००१ जनाले सेवा लिइरहेको स्वास्थ्य कार्यालय बाँके ले जनाएको छ ।
Discussion about this post