खोजखबर संवाददाता
बाँके भदौं ७ गते । नेपालगञ्ज उपमहानगरपालिका वडा नम्बर २ मा रहेको माता बागेश्वरी वडास्तरीय आमा समूहले हरितालिका तीजको अवसर पारेर शनिबार प्रथम वार्षिकोत्सव तथा सम्मान कार्यक्रम सम्पन्न गरेको छ । प्रदेशसभा सदस्य सुरेन्द्र हमाल र वडा अध्यक्ष सुनीलसिंह हमालको उपस्थितीमा हरितालिका तीज दर खाने कार्यक्रम समेत गरिएको छ । कार्यक्रममा वडा नं. २ मा रहेका १० वटा समूह मध्ये उत्कृष्ठ आमा समूहको रुपमा मिलीजुली आमा समूहलाई सम्मान गरिएको छ । यसैगरी क्यान्सर रोगलाई जित्न सफल दिदी बहिनी आमा समूहका सदस्य पार्वती थापा र मिलीजुली आमा समूहकी सदस्य बिष्णु भण्डारीलाई कार्यक्रममा सम्मान गरिएको थियो । वडा कार्यालयको सहयोगमा भएको कार्यक्रम आमा समूहका अध्यक्ष रमा देवी उपाध्यायको अध्यक्षतामा भएको हो । समूहकी सह सचिव बिमला तिवारीले संचालन तथा वार्षिक प्रतिवेदन प्रस्तुत गरेको कार्यक्रममा समाजसेवी नारायणी रुपाखेती, नेपाल राष्ट्रिय आधारभुत विद्यालय घरवारीटोलकी प्रधानाध्यापक ललिता उपाध्याय, नेपाल क्षयरोग निवारण संस्था बाँकेका सभापति शान्ति श्रेष्ठ, माधुरी शर्मा लगायतले शुभकामना मन्तब्य ब्यक्त गर्नुभएको थियो ।
Discussion about this post