सडक पहिलो प्राथमिकतामा

बाँके असार ३० गते ।
नेपालगन्ज उपमहानगरपालिका वडा नं. १३ ले वडा कार्यालयले प्रदान गर्ने सेवा र सुविधाबारे सार्वजनिक सुनुवाई गरेको छ । मंगलवार एक कार्यक्रमको आयोजना गरी कार्यालयले चालू आर्थिक बर्ष ७६÷७७ मा वडा कार्यालयले प्रदान गरेका सेवा सुविधा र कामहरुको बारेमा वडाबासीमाझ सार्वजनिक सुनुवाई गरिएको हो ।

वडाले विकास निर्माणलाई पहिलो प्राथमिकता दिएर काम गर्दै आएको जानकारी गराउँदै वडाअध्यक्ष वीरेन्द्र बहादुर शाहले बाटोघाटो पुलेसा निर्माण गरिएको जानकारी दिनुभयो । उहाँले शिक्षा स्वास्थ्यलाई समेत प्राथमिकता दिइएको बताउनुभयो ।

गुणस्तरीय शिक्षाका लागि स्थानीयको समेत चासो हुनुपर्नेमा जोड दिदै उहाँले शिक्षाको स्तर बढाउन वडा कार्यालय तयार रहेको बताउनुभयो ।कार्यक्रममा स्थानीयबासीहरुले सडक, विजुलीवत्ती सबै ठाउँमा पुर्याउन माग गरेका थिए ।

उनीहरुले स्थानीयलाई रोजगारीसँग जोड्ने कार्यक्रम ल्याउन पनि वडा कार्यालयसँग माग गरेका थिए । वडा कार्यालयले आगामी आर्थिक बर्षमा स्थानीयबासीका अधिकांश समस्यालाई सम्वोधन गर्नेगरी योजना छनोट गरिएको जनाएको छ ।